ოგლალა სიუ
ოგლალა, ოგლალა სიუ, ოგლალა ლაკოტა წჷმარინუანც ინდიარეფიშ ნინობურ ფანიას სიუშ ართ-ართ ტომც.
ტომიშ ჯოხოდვალა მუთმოურც ზიტყვაშე, ნამუთ ლაკოტაშ ნინაშა შანენც ,,მუშითგუმაფაჩალც". თინეფიშ ჯინჯიერი ოხორინალი აბანი რე რეზერვაციეფი ობჟათე დაკოტას დო ნებრასკას.
ისტორია
ოგლალა ლაკოტაქ, შხვა დოსქილადირ 6 ლაკოტაშ ტომწკჷმა ართო გამკაჩირთჷ ართ მაჟირას მავითოჩხორა ოშწანურაშ დოჭყაფუს. 1840 წანაშე ოგინაფალო გილელჷ ურთიერთალაქ ინდიარეფ დო ჩეკანამეფც შქას. ჩეკანამეფიშ მუდანობა დღაშედღაშა ირდუდუ. თინეფქ გეშასირეს ნოტყეფი დო მაფურინჯეეფი, მოსპეს ოხორინალი გარემო დო თეთ ლაკოტეფც ურთულაში ოხორინალი სიტუაცია აკუქიმინეს. თექ ირფელქ გჷშეჭანუ ლჷმა, მუქუთ 1870 -ამი წანეფიშ ლიაშახ გეგინძორჷ დო ჩეკანამეფიშ გომორძგუათ მითუ. ამდღა ლაკოტეფიშ უმენტაშობა ოხორანც პაინ-რიჯიშ რეზერვაციას, ნამუთ 8984306 კმ² -ის იკჷნენც დო იდვალუაფუ ობჟათე დაკოტას.
მახორობა
ლაკოტეფიშ მახორობა 1825 წანაშო აკმადგინანდჷ გვალო მუდგარენ 1500 ადამიერც, 1882 წანაშო ლჷმეფქ დო შქირენაქ თე ტომიშ მახორობაშ რიცხუ 702 ადამიერშახ გეგმიჸუნჷ, ოდო თიშ უკული მუთ თინეფქ რეზერვაციაშა გეგნიხორეს დო ამერიკალეფშე ხეუმკუნჭაფუობა გეჭოფესჷნ, თინეფიშ რიცხუქ მირდჷ დო 2008 წანაშ ეჭარუათ აკმადგინანც დოხოლაფირო 42 000 ადამიერც.
რესურსეფი ინტერნეტის
- ოგლალა სიუშ ტომი, ოფიციალური ვებ-ხასჷლა
This article uses material from the Wikipedia მარგალური (Margaluri) article ოგლალა სიუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.