კოლუმბიარეფი (ესპ.
მუდანობა - 34,5 მლნ ადმ., თაურეშე - 32,5 მლნ ადმ. კოლუმბიას ოხორანს (1992). ვენესუელას კოლუმბიარეფიშ მუდანობა - 1,75 მლნ, თაშნეშე ოხორანა ამერიკაშ აკოართაფილ შტატეფს დო შხვა ქიანეფს. თარი რელიგია - კათოლიციზმი. ნინა - ესპანური ნინაშ აკანური ვარიანტი.
კოლუმბიაშ ტერიტორიაშა ესპანარეფიშ მულაშა ოხორანდეს ინდიარეფი ჩიბჩა-მუისკეფი. თინეფიშ უმენტაშობა გოჭყვიდეს ვარდა ნორთობურო ასომილაფირქ იჸუეს.
კოლუმბიარ კათაქ ისტროიულო სუმ კომპონენტშე აკორთჷ: აბორიგენ-ინდიარეფი, ესპანარეფი დო ნეგრეფი. ესპანარეფქ, ალმახანურ კოლუმბიაშ ტერიტორიას დოხორაფა დიჭყეს 17 ოშწანურაშ დაჭყაფუს. 17 ოჭანურაშ ბოლოშე, ნეგრეფი აფრიკაშე მოჸუნდეს ჭკოლარო. 18 ოშწანურას რდჷ - 45% მეტისეფი, 33% ჩეკანამეფი, 17% ინდიარეფი დო 5% ნეგრეფი. ასე კოლუმბიას ესპანურნინამ კოლუმბიარეფიშ მოხ, ნამუთ რასობურო უმენტაშო აკმოდირთუ მეტისეფშე დო კრეოლეფშე, ოხორანს 300-400 ვთშ. ინდიარი. თაქ მახორუ ინდიარეფს ასქილადირ დო თხილერ აფუნა მუნეფიშ ნინეფი დო ტრადიციული რწუმეფი. ასე ინდიარეფი - 10%, მულატეფი დო სამბო - 15%, ნეგრეფი - 4%. დოსქილადირეფი - მეტისეფი დო ჩეკანამეფი. 19 ოშწანურაშ მა-2-ა ნორთის თაქ ესპანარეფიშ მოხ შხვა ქიანეფშე ხოლო მიგრაციათ გინიხორეს. ქიანაშ ზოხო ნორთეფს უმენტაშო რე ინდიარული ელემენტეფი. კუნდინამარკაშ, ბოიაკაშ, სანტანდერიშ, კაუკაშ, ნარინიოშ დო უილაშ დეპარტამენტეფს - უმენტაშო მეტისეფ ოხორანა. ჩეკანამეფი უმენტაშო ნოღაშ მახორუეფი რენა, გიშაკერზაფილო კალდასიშ დო ანტიოკიაშ დეპარტამენტეფს. მულატეფი, სამბო დო ნეგრეფი უმენტაშო წყარპიჯ რაიონეფს ოხორანა.
This article uses material from the Wikipedia მარგალური (Margaluri) article კოლუმბიარეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.