ქართი თინჩალაშ ხინჯი

ართიანწკჷმა მიორსხუანს ერეკლე II-აშ შოშეს (ელჷ-მოლუშ ოძგალეეფწკჷმა ართო) დო რიყეს. ხინჯი ეიოგეს პრეზიდენტ მიხეილ სააკაშვილიშ ინიციატივათ, ნ. ქართიშ მერიაშ დოკვათუათ 2009-2010 წანეფს. ოფიციალურო გინწყჷ 2010 წანაშ 6 მესის. ხინჯიშ არქიტექტორი რე იტალიარი მიკელე დე ლუკი (დსო ახალი ნოდგჷმიშ და პრეზიდენტიშ დოხორეშ ავტორი), ოდო განათებაშ დიზაინერი - ფრანგი ფილიპ მარტინო (თაშნეშე დსო ახალი ნოდგჷმიშ, პრეზიდენტიშ დოხორეშ დო ტელეანწაშ განათებაშ ავტორი).

ხინჯიშ კონსტრუქციას წჷმარინუანს ლითონიშ (ფულანდიშ) მოსა კარკასი, ოდო აკმაფშაფალს - კაპიჭიშ პანელეფი, ნამუნეფით ართონობას 150 კვ.მ ფართობიშ მაღვენჯი ჩარდახიშ სახეთ გინმაფორუ კუჩხიშოლი ცალსაროტის. ედომუშამი კონსტრუქცია გერსხილი რე 4 ბერდეხ ფულანდიშ სჷმეტიშა, ოდო ცალსაროტი გითობუნაფილი რე კარკასშა ბაგერეფით. ცალსაროტი წყარმალუშ დუც 5 მ-შახ სიგანაშ რე, ოდო ძგალეფჸურე 2 მ-შახ. საართო სიგჷრძა რე 156 მ. ხინჯიშა ეშულა შილებე, მუჭოთ ერეკლე II შოშეშე დო რიყეშე, თეშ უოშქარეთ ოძგალე ოჯალეეფშე ეშალეფით. სერით ხინჯი განათებული რე სპეციალური თირაფონი განათებათ, მუსჷთ უნარღელჸონს 50 000-შახ ნოთე. არქიტექტურული თოლწონუათ ხინჯი წჷმარინუანს ალმახანური არქიტექტურაშ მინუშის, მუთ ჯვეში ქართიშ მოჩამილ ტერიტორას, გარკვიულ თიათ სიახალე რე.

ხინჯი მიარზებაფუაფუ რიყეშ ართოიანი რეკონსტრუქცია-რეაბილიტაციაშ პროექტიშ ხურგეფს. ოფიციალური ინფორმაციათ საართო ღირებაქ (რიყეშ პროექტიშ უმუშო) აკადგინჷ 12.5 მლნ ლარი, მუთ გჷმორთჷ ნოღაშ ბიუჯეტიქ. კიდანჯუას აწარმენდჷ იტალიური კომპანია „პერმა სტელიზა“.

უჩინებუ რე ხინჯიშ ჯოხო მიში იდეა რდჷნ, მორო ავტორქ ათაშ ენწყჷ:

	„ხინჯი დუდო რე გოართოიანაფაშ სიმბოლო - შხვადოშხვა პოზიციეფიშ აკოხვალამაშ, გინორთელი ძგალეფიშ დოხოლაფაშ. თინა საუჯგუშო მეტაფორა რე თინჩალაშო.“
	(მიკელე დე ლუკი, პროექტიშ ავტორი - არიტექტორი, დიზაინერი)

ხინდიქ ჯარალუაშ მიარენერი რეაქცია გიშეჭანუ, მუჭოთ ურბანისტულ-არქიტექტურული კუნთხუთ, პროფესიული წირეეფშე, თეში ოპროექტე-ოკიდანჯე პროცესიშ კარაკანობაშ დო ჯარალუაშ კათაფაშ კუნთხუთ, შხვადოშხვა პოლიტიკური დო ვარ ვაოთარობე ორგანიზაციეფიშ ჸურეშე. რდჷ მიკოღანკუეფი დო პრეტენზიეფი ხინჯიშ მასშტაბწკჷმა დო პროპორციეფწკჷმა, თაშნეშე თიშ გინომეტაფილო ექსპრესიულ დიზაინწკჷმა რსხუაფათ, მორო ჯარალუაშ ნორთიშო თინა მიოღებელი რე.

• თინჩალაშ ხინჯი მა-11 ხინჯი რე, ქართიშ ტერიტორიას წყარმალუ მტკვარს ეგაფილეფშე.
• ხინჯიქ იხაზირჷ ეიონწყუალ ნორთეფო, აკონდღულაფაშ წესით ეინწყუ არდგილს (რიყეს) დო უკული ენწყილი ხინჯი სპეციალური ბორანიშ მეშქაშალათ გოდვეს წყარმალუს, მუდგასჷთ სპეციალური აქტივობეფქ მიეჯღუნჷ..
• ოინფორმაციე პორტალ „ამბები.ge”-შ ონლაინ გჷმოკითხირით, სოდეთ 6046 ადამიერქ აფიქსირჷ არზინ, 48.1%-ის ხინჯი ვა მოწონს, ოდო 45.5%-ის მოწონს (დოსქილადირეფს გუჭირდჷ გამაშ მეჩამაქ).

• (2010) „თინჩალაშ ხინჯი“ (ქორთული, ინგლისური) (pdf). „სტილი“ (№35). ISSN 1987-5355. 

 

ვიკიოწკარუეს^? რე ხასჷლა თემაშენ:

თინჩალაშ ხინჯი (ქართი)

• თინჩალაშ ხინჯი Archived 2010-06-10 ვებ-ხასჷლას Wayback Machine. , ოკიდანჯე პორტალი კიდანჯუა.ინფო;
• თინჩალაშ ხინჯი დო რიყე Archived 2010-09-24 ვებ-ხასჷლას Wayback Machine. , კარაკანი ვიდეოტრანსლაცია. ვიდეო პორტალი www.livegeorgia.ge Archived 2010-09-24 ვებ-ხასჷლას Wayback Machine. ;
• ახალ გონწყუმილ „თინჩალაშ ხინჯიშ“ მაართა ღონისძიებაქ ფოტოკონკურს „ქოლგაშ“ ხურგეფს იმანჯჷ. ფოტოგალერეა. ოინფორმაციე ოაგენტე „ინტერპრესნიუსი“[ღურელი რსხილი], 09.05.2010.
• ხინჯიშ განათება Archived 2010-11-26 ვებ-ხასჷლას Wayback Machine. , ვიდეო პორტალი www.mayomo.com, (ინგლისური);
• მიკელე დე ლუკიშ პერსონალური ვებ საიტი, (ინგლისური);
• Sian Disson (Editorial Assistant) (2010-06-28). The Bridge of Peace, Tbilisi, Georgia (ინგლისური). სტატია-ნიუსი. არქიტექტურული პორტალი „World Architecture News.com“. ციტატა: „New bridge in Tbilisi, Georgia, connects the nation's history with the present day“ კითხირიშ თარიღი: 2010-09-06.;
• The Bridge of Peace in Tbilisi, Georgia (ინგლისური). სტატია-ნიუსი. პორტალი „Top Box Design“ (2010-08-12). კითხირიშ თარიღი: 2010-09-06.;
• The Bridge of Peace in Tbilisi, Georgia (ინგლისური). ბლოგი, სტატია-ნიუსი. პორტალი „Archibase Planet“ (2010-07-01). კითხირიშ თარიღი: 2010-09-06.;
• თემო ბარძიმაშვილი (2010-08-11). Tbilisi's Bridge of Peace Undulates in Glass and Steel (ინგლისური). ფოტო ესსე. ვებ საიტი „Eurasianett.org“. კითხირიშ თარიღი: 2010-09-06.