H Ii რეგიონი
H II რეგიონი ვარდა HII რეგიონი — მურიცხეფოშქაშე რეგიონი ნამუთ აკმოდირთუ იონიზებული წყარბადიშ ატომეფიშე.
ჸათე რეგიონი რე მოლეკულური მუნაფა გვერდო იონიზებული აირეფიშ, სოდეთ უკვე მოხვალამირი რე მურიცხეფიშ ფორმაციაშ პროცესი. ართ-ართი პირველი ჸათეცალი ასტრონომიული ობიექტი, ნამუსჷთ მენცარეფქ მიოგორეს რდჷ ორიონიშ ნირსეული. თის ტელესკოპით მიოგორუ ფრანგი ასტრონომქ ნიკოლა-კლოდ ფაბრი დე პეირესკიქ, 1610 წანას.
H II რეგიონეფიშ ფორმა დო ზომეფი შილებე რდას შხვადოშხვანერი.
H II რეგიონეფს შილებე მოხვადას ანთასობათ მურიცხიშ ფორმირაფაქ მილიონობათ წანეფიშ პერიოდის. ეკონია ბორჯის, სუპერნოვეფიშ გოფათქუათ დო ნძალიერი მურიცხული ბორიეფიშ გოლინათ H II რეგიონეფიშ აირეფი გიფაჩუ დო ხვალე მურიცხეფი დუთმოსქიდჷ.
სპირალური დო ვარეგულარული გალაქტიკეფი იკათუანა ბრელ H II რეგიონეფს, მარა ელიპტიკურ გალაქტიკეფს ჸათეცალ რეგიონეფს ვეშმოფხვადუთჷ. სპირალურ გალაქტიკეფს, მაგალთო ჩქინი გალაქტიკას H II რეგიონეფი კონცენტრირებულეფი რენა გალაქტიკეფიშ სპირალურ კილეეფს, ვარეგულარულ გალაქტიკეფს ჸათე რეგიონი გოფაჩილი რენა ქაოტურო.
ტერმინოლოგია
ტერმინი H II გიმითქუალუ მუჭოთ "H ჟირი". "H" რე წყარბადიშ ქიმიური სიმბოლო დო "II" რომაული რიცხუ.
ქოძირით თაშნეშე
- H I რეგიონი
რესურსეფი ინტერნეტის
This article uses material from the Wikipedia მარგალური (Margaluri) article H II რეგიონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.