ხეთეფი — უჯვეშაში ანატოლიარი კათა, ნამუეფით ინდოევროპულ ნინეფიშ ფანიაშ ანატოლურ ჸას ორხველჷ ხეთურ ნინაშა რაგადანდეს დო ჯვ.
წ. XVIII ოშწანურა">ჯვ. წ. XVIII ოშწანურას ანატოლიას გიჭყჷ ხეთეფიშ ომაფეს (ცენტრალური ანატოლიაშ პლატოს). ხეთეფიშ იმპერიაქ ჭყანიერობაშ კონკის ჯვ. წ. XIV ოშწანურას მიოჭირინჷ დო თიმ ბორჯიშო თინეფს დოჸუნელი აფჷდეს ანატოლიაშ დიდი ნორთი, ოორუე-ბჟადალი სირია ლიტანიშ წყარმალუშახ დო ჟილენი მესოპოტამია (შქაწყარმალონი). ჯვ. წ. 1180 წანაშ უკული, იმპერიაქ აკოცჷ მუსხირენ ზოხორინელ სათაროეფო, კანკალე თინეფშე ჯვ. წ. VIII ოშწანურაშახ არსებენდჷ.
ტერმინი „ხეთეფი“ წჷმურს ჯვეში აპიანიშ ზიტყვაშე „ხჲვ“ (חתי ხტჲ, ან בני-חת ბნჲ-ხტ, „ხეთიშ სქუალეფი“ (ხეთი ქანაანიშ სქი რდჷ)). არქეოლოგეფქ, ნამუეფქჷთ ანატოლიაშ ხეთეფიშ კულტურას XIX ოშწანურას მიოგორესჷნ, დუდმაართაშე თინეფი თეს ბიბლიურ ხეთეფს მიორხველანდჷ. ასე თე ჰიპოთეზა დებაშ მეკონი რე.
This article uses material from the Wikipedia მარგალური (Margaluri) article ხეთეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.