შუმერეფი — ერი, ნამუქჷთ შუმერული ცივილიზაცია გაჭყჷ ობჟათე მესოპოტამიას.
შუმერეფი მესოპოტამიაშ ჯინჯარი მახორუეფი ვარდეს, ოეგებიეთ, თინეფქ მესოპოტამიაშა ჯვ. წ. VI - ჯვ. წ. V ვითოშწანურეფს გჷნიხორეს. თინეფიშ დუდმაართა ოდაბადე უჩინებუ რე. შუმერეფი რაგადანდეს შუმერულ ნინაშა, მენცარეფქ მანჯეს აზიაშ არძა ნინაშ ანალიზი, მარა შუმერული ნინაშ მოგვენშა ვეგიაგორეს, ასე უჩინებუ რე თე ნინაშ მოჯგირე ნინეფი. შუმერეფიშ მუშჯოხოდვალა რე "უჩადუდამეფი". თინეფს უჩა თუმეფი უღუდეს დო თეშ გეშა გიადვეს ჯოხოთ "უჩადუდამეფქ". შუმერული არქიტექტურაშე დო ნინაშ ანალიზიშე გიშნაველი მენცარეფი ვარაუდენა, ნამჷ-და თინეფქ ედომუშამი რეგიონშე გჷნიხორეს, კინ თე ბორჯის თინეფი ჯგირი მეზუღეეფი რდეს, ნამუთ თაშნეშე მოფირქებუანა, ნამჷ-და თინეფი ზუღაპიჯიშ რეგიონშე რდესჷნ, თეშენ თინეფიშ მითოლოგიათ მეუწურუანს. კანკალე მოარზაფათ, შუმერეფქ ზუღათ მორთეს შქაწყარმალონაშა. უმოსო სავარაუდე რე, ნამჷ-და შუმერეფქ ობჟათეშე მორთეს, თიშ გეშა, ნამჷ-და შქაწყარმალონაშ ობჟათეს დოხორუაშ უკულ თინეფქ ოორუეშ ექსპანსია დიჭყეს.
This article uses material from the Wikipedia მარგალური (Margaluri) article შუმერეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.