სექსუალური ეფურაფა
სექსუალური ეფურაფა, თაშნეშე სქესობური ეფურაფა — ადამიერიშ ვარ-და ჩხოლარიშ ორგანიზმის მიმალი თირუეფი, ნამუთ მუთმოხვადუ სექსუალური სტიმულეფიშ ჟიგაულათ.
თენა რე დაჭყაფური ფაზა, ადამიერიშ სქესობური გამაშ ციკლიშ ოთხ ფაზაშე პირველი. ადამიერიშ სქესობურო ეფურაფა უწორუანს უშქაშეთ სქესობური აქტიშ დოჭყაფას ვარ-და მასტურბაციას. მუჭოთ წესი, სქესობური ეფურაფა მუთმოხვადუ ეროტიკულ მასალეფიშ ძირაფაშ დო კითხირიშ, სექსუალურ თემაშე რაგადიშ, ეროგენულ ზონეფშა ჟიგაულაშ, გოშინაშ დო ურთიართალაშ შედეგო.
სქესობური ეფურაფაშ ეტაპეფი
ეფურაფაშ ეტაპეფი, ნამუთ დუმახასიათაფალი რე მუჭოთ ქომოლკოჩეფშო თეშ ოსურეფშოთ:
- ქელაფი;
- გურიშ გაფაშ გაფშხირება;
- ზისხირიშ წნევაშ ძინა;
- კუთიშ ტონუსიშ ძინა;
- ლეჟვაშ გიმულაშ ძინა;
- კანიშ ჟინპიჯიშ დგომარობაშ თირუა (მოჭითინაფა, ბუძგურიაშ მოლუაფა);
- თოლნაკაკეფიშ გოფართაფა;
- კიდირიშ კინთეფიშ ერექცია;
- თირუეფი ჯინას, ხონარს, რჯებას.
ქომოლკოჩიშ სქესობური ეფურაფაშ ეტაპეფი:
- პენისიშ ერექცია;
- წიმიეიაკულატიშ გიმულა.
ოსურიშ სქესობური ეფურაფაშ ეტაპეფი:
- კლიტორიშ ერექცია;
- აფსოშ დალამება;
- ვაგინალური სეკრეტიშ გიმულა.
სქოლიო
This article uses material from the Wikipedia მარგალური (Margaluri) article სექსუალური ეფურაფა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.