პერიკლე
პერიკლე (ბერძ.
დოხოლაფირო ჯვ. წ. 495 — ღ. ჯვ. წ. 429) — ბერძენი პოლიტიკოსი დო ოურდუმე მოღალე. რდჷ გიშარჩქინელი არისტოკრატიული გვარიშ ალკმეონიდეფიშ წჷმმარინაფალი. პერიკლეს ჯგირი გონათაფა მეუღებჷ. გურაფულენდჷ მუსიკას, ეთიკას, ფილოსოფიას. ახალნორდობაშე ორატორული ნიჭით დო ოურდუმე საქვარეფით კაბეტი პოპულარობა მიპალუ. უღუდჷ დიდი გოლინა ათენიშ ჯარალუას. გიშარჩქინელი ჯვეში ბერძენი ისტორიკოსი თუკიდიდე პერიკლეს "ათენიშ მაართა მენოღალეს" უძახუდჷ. პერიკლეს დოხოლაფირო ვითოხუთი წანაშ გოძვენას უკინებუდჷ ათენიშ სტრატეგოსიშ პოსტი. თიში პოლიტიკური დო ოურდუმე რეფორმეფით დელოსიშ რსხუქ ათენიშ იმპერიათ გინირთჷ. პერიკლე ხემანჯღვერენდჷ ათენიშ არმიას პელოპონესიშ ლჷმეფიშ მაართა ჟირი წანას. პერიოდის, ნამუშ გოძვენას პერიკლე ათენს მართუნდჷ (ჯვ. წ.461-429 წწ.), პერიკლეშ ბორჯის უძახჷნა.
| პერიკლე ბერძ. Περικλῆς | ||
 პერიკლეშ ბიუსტი | ||
| ათენიშ სტრატეგოსი | ||
|---|---|---|
| პოსტის გერინაშ ბორჯი | ||
| ჯვ. წ. 442 წანა – ჯვ. წ. 429 წანა | ||
| დუნაბადი | დოხ. ჯვ. წ. 495 ათენი, ჯვეში საბერძნეთი | |
| ნაღურა | ჯვ. წ. 429 ათენი, ჯვეში საბერძნეთი | |
| მუმა | ქსანტიპე | |
| ნანა | აგარისტა | |
| ალმასქუ | ასპასია | |
| სქუალეფი | ქსანტიპე პარალე პერიკლე უკულაში | |
| რელიგია | ჯვეშბერძენული რელიგია | |
პერიკლექ მიშეღჷ დიდი თია ათენიშ რეკონსტრუქციაშა. ჯვ. წ. 458-456 წანეგს თიში ინიციატივათ ეიოგეს გჷნძე კიდა, ნამუშ სჷგირძა დოხოლაფირო 6 კმ. რდჷ დო ნამუთ ათენს პირეოსის მითმიორსხუანდჷ. ჸათე კიდა ათენიშ ართ-ართი თარი ფორტიფიკაცია რდჷ. პელოპონესიშ ლჷმაშ ეკონია ბორჯის კიდა სპარტალეფქ მოჯალაგეს. ათენიშ აკროპოლისის, პერიკლექ ეიოგჷ პანთეონი. ათენიშ დემოკრატიაშო შანულამი რდჷ ხეშიქირაშ გოჭყაფა მაგისტრატეფიშო.
ჯვ.წ. 431 წანას სპარტაქ დო თიში მორსხუეეფქ ათიკაშა გემშეჭკირეს. დო ჸათაშ ქიდიჭყჷ პელოპონესიშ ლჷმაქ. ჸათე პერიოდიშო ათენს გიფაჩჷ ეპიდემიაქ. პერიკლე ათენარეფქ სტრატეგოსობაშე გეგნარინეს, ხირუა ქეკაბრალეს დო 50 ტალანტით დაჯარიმეს. მარა ათენიშო პერიკლე იშენ ოხვილური რდჷ. ჸათეშ გეშათ თინა კინ დართინეს. პერიკლეს ეპიდემიათ ჟირი სქუაქ დუღურჷ, მუქ ხოლო მალას ჯვ.წ. 429 წანას დოღურჷ.
ლიტერატურა
- Azoulay, Vincent; tr Lloyd, Janet (2014). Pericles of Athens. Princeton.
- Kagan, Donald (1991). Pericles of Athens and the Birth of Democracy. The Free Press
This article uses material from the Wikipedia მარგალური (Margaluri) article პერიკლე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.