სერ ჯოზეფ ნორმან ლოკიერი (ინგლ.
17 მესი, 1836, რაგბი, უორიკშირი, ინგლისი — ღ. 16 მარაშინათუთა, 1920, სოლკომ-რეჯისი, დევონი, ინგლისი) — ბრიტანალი მენცარი დო ასტრონომი. ძირუ დო გიმირკვიუ ჰელიუმი. ლოკიერიქ 1869 წანას დარსხუ ომენცარე ჟურნალი Nature.
ნორმან ლოკიერი | |
ინგლ. Norman Lockyer | |
ნორმან ლოკიერი 1897 წანას | |
დაბადებაშ თარიღი: | |
---|---|
დაბადებაშ აბანი: | რაგბი, უორიკშირი, ინგლისი |
ღურაშ თარიღი: | მარაშინათუთა 16, 1920 (84 წანერი) |
ღურაშ აბანი: | სოლკომ-რეჯისი, დევონი, ინგლისი |
მენოღალობა: | |
ომენცარე სფერო: | |
სამუშაშ აბანი : | ლონდონიშ იმპერიული კოლეჯი |
ჯოხოშინელი მოგურაფეეფი: | |
ჯილდოეფი დო პრემიეფი: | ომაფე ჯარალუაშ მაკათური (1869) |
ლოკიერიქ დებადჷ ინგლისიშ ნოღა რაგბის, უორიკშირიშ ოგრაფეს. მუშენდჷ ბრიტანეთიშ ოურდუმე ოფისის, შარალენდჷ შვეიცარიას, საფრანგეთის. ოსურიშ მოონაფაშ უკულ, ქიდიხორჷ ობჟათე ლონდონს, უიმბლდონს. ნორმან ლოკიერი რდჷ მოჸოროფე ასტრონომი. თიში ინტერესეფიშ სფერო რდჷ ბჟა. 1885 წანაშე რდჷ მენცარობაშ ომაფე კოლეჯიშ (ასეიან ლონდონიშ იმპერიული კოლეჯი) ასტროფიზიკაშ პროფესორი. მენცარობაშ ომაფე კოლეჯის, სპეციალურო ლოკიერიშო ეიოგეს ასტრო-ფიზიკური ობსერვატორია, სოდეთ ლოკიერი შხვადოშხვა მენცარულ რკვიებეფს ხემანჯღვერენდჷ.
1860-იან წანეფიშე ლოკიერიქ ელექტრომაგნიტური სპექტროსკოპიათ დეინტერესჷ დო თიში გიმორინაფათ ოცადუდჷ ცაშური რსხულეფიშ აკოდგინალუაშ რკვიებას.
1868 წანას ტელესკოპით ბჟაშ რკვიებაშ ბორჯის, ძირუ ჸათე პერიოდიშო უჩინებუ ელემენტი, ნამუსჷთ ლოკიერიქ ჰელიუმი ქიგიოდუ. 1868 წანაშ 18 მარაშინათუთაშ ბჟაშ გეუკუმელაფაშ რკვიებაშ ბორჯის, ჰელიუმს მიოგორუ ფრანგი პიერ ჟანსენიქ ხოლო.
1869 წანას ნორმან ლოკიერიქ დარსხუ ომენცარე ჟურნალი Nature, ნამუთ ასე ხოლო ართ-ართი პოპულარული, პრესტიჟული დო რეიტინგული მენცარული პუბლიკაცია რე მოსოფელიშ მასშტაბით. ლოკიერი რდჷ ჟურნალიშ დუმარსხუაფალი დო თიში მაართა რედაქტორი.
1870-იან დო 1890-იან წანეფს ლოკიერი ხემანჯღვერენდჷ შხვადოშხვა ექსპედიციეფს სიციალიას დო ინდოეთის ბჟაშ გეუკუმელაფაშ დაგურაფალო.
ნორმან ლოკიერი რდჷ არქეოასტრონომიაშ ართ-ართი პიონერი ხოლო.
ლოკიერიქ, პენსიაშა ულაშ უკულ, მუში ჸუდეშ, სოლკომ-რეჯისიშ გოხოლუას, დარსხუ ობსერვატორია, ნამუთ ასე თიშ ჯოხონობაშ რე. ართ პერიოდის ობსერვატორია ექსტერიშ უნივერსიტეტიშ ნორთი რდჷ. თეხანო ობსერვატორიას ადმინისტრირენს ნორმან ლოკიერიშ ობსერვატორიაშ ჯარალუა.
ნორმან ლოკიერიქ ღურუ 1920 წანაშ 16 მარაშინათუთას, 84 წანერქ. ნთხორილი რე სოლკომ-რეჯისიშ წიმინდე პეტრეშ დო მარიამიშ ოხვამეშ სასაფლას.
ნორმან ლოკიერი რდჷ შხვადოშხვა პრემიეფიშ დო ჯილდოეფიშ ლაურეატი. 1869 წანას გიშაგორილქ იჸუ ლონდონიშ ომაფე ჯარალუაშ მაკათურო. 1875 წანას პარიზიშ მენცარობეფიშ აკადემიაქ ლოკიერის გინოჩჷ ჟანსენიშ მენდალი. 1874 წანას მიპალუ რუმფორდიშ მენდალი. 1903-1904 წანეფს ლოკიერი მუშენდჷ ბრიტანული ასოციაციაშ პრეზიდენტო.
ნორმან ლოკიერიშ ჯოხონობაშ რე კრატერეფი თუთას დო პლანეტა მოროხის.
This article uses material from the Wikipedia მარგალური (Margaluri) article ნორმან ლოკიერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.