ნონა გაფრინდაშვილი
ნონა გაფრინდაშვილი (დ.
3 მესი, 1941, ზუგდიდი, საქორთუოშ სსრ) — ქორთუ დო სხუნუური მოჭარდაკე, ოერეფოშქაშე დიდორსანტი ოსურეფს შქას (1977) დო პირველი ოსური, ნამუსჷთ ოერეფოშქაშე დიდორსანტიშ წოდებაქ მიაჩჷ ბოშეფს შქას (1978). მოსოფელიშ ხუთრზა ჩემპიონი (1962–1978). 11 ბუნური ფო 9 პიჯული ოლიმპიური ორქოშ მაპალუ. სხუნუეფიშ რსხუშ ხუთრზა ჩემპიონი (1964, 1973, 1981, 1983, 1985), ევროპაშ ქიანეფიშ ჩემპიონეფიშ თასიშ ჟირზა მაპალუ (1969, 1972). ჭარდაკიშ „ოსკარიშ“ პირველი მაპალუ (1982). საქორთუოშ XX ოშწანურაშ საუჯგუშო სპორტსმენი ოსური (ორქოშ პრიზი). საქორთუოშ ჟირზა წანაშ საუჯგუშო სპორტსმენი (1969, 1975). სხუნუეფიშ რსხუშ სპორტიშ დოინალაფირი ორსანტი (1964). მუში გამნარყიშ მოდოფელიშ უჭყანიარაში მოჭარდალე ოსური.
,_Bestanddeelnr_914-7094_(cropped).jpg) ნონა გაფრინდაშვილი, 1982 წანას კესინგენს | |
| ჯოხო | ნონა გაფრინდაშვილი |
|---|---|
| ერჩქინაშ ჯოხო | ნონა ტერენტიშ ცირა გაფრინდაშვილი |
| ქიანა (სპორტი) |  სსრრ საქორთუო |
| ერუანალა | ქორთუ |
| ერჩქინაშ თარიღი | 3 მესი, 1941 |
| ერჩქინაშ აბანი | ზუგდიდი, საქორთუოშ სსრ |
| ტიტული | ოერეფოშქაშე დიდორსანტი ოსურეფს შქას (1977) ოერეფოშქაშე დიდორსანტი ბოშეფს შქას (1978) |
| ფიდე რეიტინგი | 2350 (გერგობათუთა, 2012) |
| მაქსიმალური რეიტინგი | 2495 (კვირკვე, 1987) |
ფიდეშ 68-ო კონგრესიშ გჷნნაჭყვიდირით (1997) გემშეღეს ნონა გაფრინდაშვილიშ ჯოხოდვალაშ თასი, ნამუთ გინაჩამუ ქონოლკოჩეფიშ დო ოსურეფიშ ოლიმპიადეფიშ არჸო ეჭოფილ საუჯგუშო ქიანას. საქორთუოშ ერუანული ოლიმპიური კომიტეტიშ პირველი პრეზიდენტი (1989–1996) დო საპატიე პრეზიდენტი 1996 წანაშე. საქორთუოშ ჭარდაკიშ ფედერაციაშ პრეზიდენტი (2000–2002). ფიდეშ ოსურეფიშ კომისიაშ მადუდე (1980–1986). ვახტანგ გორგასალიშ I ხარისხიშ ორდენიშ კავალერი (2001).
ოლიმპიური ყარაფიშ გოვითარაფაშა მიშნაღელი კარაკანი თიაშ გეშა, 1996 წანას მიაჩჷ ოერეფოშქაშე სპორტული ორგანიზაციეფიშ სუმი უმაღალაში ჯილდოქ: ოერეფოშქაშე ოლიმპიური კომიტეტიშ ორდენი, ერუანული ოლიმპიური კომიტეტეფიშ მოსოფელიშ ასოციაციაშ საპატიე ორდენი დო ევროპაშ ოლიმპიური კომიტეტიშ ორდენი.
2001 წანას, ნონა გაფრინდაშვილიშ ჯოხოქ მიაჩჷ ქართიშ ჭარდაკიშ დოხორეს.
რესურსეფი ინტერნეტის
- ნონა გაფრინდაშვილი — საქორთუოშ ბიოგრაფიული ლექსიკონი
- ნონა გაფრინდაშვილი — ბიოგრაფიული ლექსიკონი
- ნონა გაფრინდაშვილი — ქორთული სპორტი
- ნონა გაფრინდაშვილი — ფიდეშ დინნაჭარა (ინგლისური)
- ნონა გაფრინდაშვილი — ლაჸაფეფიშ არქივი Chessgames.com-ს (ინგლისური)
სქოლიო
 | თე სტატია სპორტიშ დო სპორტსმენეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
This article uses material from the Wikipedia მარგალური (Margaluri) article ნონა გაფრინდაშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.