მანოკვარი (ინდო.
Manokwari) — ნოღა ინდონეზიას, კოკი ახალ გვინეას, ინდონეზიაშ პროვინციაშ ბჟადალი პაპუაშ ადმინისტრაციული ცენტრი. ნოღა იდვალუაფუ ჩენდრავასიჰიშ ჩქონს რჩქალ ოკიანეწკჷმა, ჩენდრავასიჰიშ საროტიშ ბჟადალშე.
ნოღა
|
ნოღა თით რე რჩქინელი, ნამჷ-და თიშე დიჭყუ კოკი ახალი გვინეაშ გოქირსიანაფა. ზუსტას მანოკვარს 1855 წანაშ 5 ფურთუთას, ნოში „ტერნატეთ“ ქჷმორთეს ღორონთიშმარაგადუეფქ კარლ ოტო დო იოჰან გეისლერიქ. თე მოლინაშ ოშუენო ირწანაშ 5 ფურთუთას იტარებუაფუ დიდი დღახუ, ნამუშა მოულა დელეგაციეფი ედომუშამი პაპუაშე დო ელმოლი კოკეფშე.
კოლონიალურ ეპოქას მანოკვარი რდჷ ახალი გვინეაშ ნანანოღა. მაჟრა მოსოფელიშ ლჷმაშ ბორჯის ნოღა იაპონიაშ ჯარქ გეჭოფუ (1942 წანა), ჰოლანდიარი ჯარიშკოჩეფქ დიტყობეს ტყალეფს დო მეჸუნდეს პარტიზანულ ლჷმას ხოლო ჟირ წანმოწანა დო გვერდის.
2009 წანაშ დაჭყაფუს ნოღაშ გოხოლუას მოხვადჷ დიხაშნწალუაქ 7.6 ბალიშ სინძალიერეთ, მარა ცუნამიშ ოშქურანჯობა ვაჸოფე.
ნოღაშ გოხოლუას მოჸუნა კაკაო, ხილი, ქოქოსი; მეურს ჯა-ტყაშ დამზადება, ონიშოლიშ მეშქაშობათ გინმუღუნა კაკაო, კოპრა, ჯა-ტყა. ნოღაშ ონიანლჷ „რენდანიშ“ აეროპორტი.
ნოღას ოსუმარჷნა ტურისტეფი, თარი ოქინაფუეფი რე — გუნუნგ მეჯა პარკი, ანგიშ ტობა, ამბანიშ საპლაჟო ზონა, არფაკაშ ორთაშური ტყაჩირი.
ნოღას არსებენს 2000 წანას დჷნარსხუეფი ნეგერი პაპუაშ უნივერსიტეტი.
This article uses material from the Wikipedia მარგალური (Margaluri) article მანოკვარი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.