კომიქსი ლოკი

გიგანტეფიშ, ფარგაუტიშ დო ლაუფეიშ სქუა. თიშ უმკუჯინუო იოტუნორი გორჩქინაშ ასეფქ იშენი მეჩეს ნება, ნამდა თის ასგარდის დურინუდუკო მუში არაკი გონებაშ დო გეწკუმონტიშ გეშა.

ლოკეს უღუ ნძალა, ნამუთით თის შეულებჷ ნამდგაჸინ ჩხოლარიშ ფორმა მიღას დო დითირუას სქესით ხოლო. გვერდ წანაშ გოძვენას თინა ცხენო აძირუაფუდჷ ოქიანუს. ცხენო რინაშ პერიოდის თიქ გარჩინჷ ბრუოკუჩხამი ვარყა სლეიპნირი, ნამუთ ოდინიშ აკა ეტალონო გინირთჷ.

ლოკეს სუმი სკუა — ალი, ვალი დო ნარვი — სიგინქ გურჩქინჷ. თის ხოლო სუმი სქუა ანგრბოდაქ გეურჩქინჷ. თენეფი რენა სუმი არძაშე მაქანდარაია ქიმინელეფი სკანდინავიურ პანთეონს:

• იორმუნგანდი — ზუღაშ დიდი გვერი;
• ფენრირი — გერი-არამხუტუ;
• ჰელი — ღურელეფიშ ომაფეშ ოსურღორონთი.

თიქ ბრელი უბადობა ღოლჷ შხვა ასეფს, მარა თინეფქ თინეფ იშენ ოხვილუდეს მუში მიარე შელებუაშ გეშა. თიში სამანჯელით ღურჷ ღორონთი ბალდარი, მუთ შხვა ღორონთეფიშ რღვენჯებაშ ბაძაძიქ იჸუ.

ლოკეს ღალატით გარღვენჯებული შხვა ღორონთეფქ ოჭოფეს თინა, ღურღუმს, კჷრდეს, გიოკირესჷ დო დუდს პანჯამი გვერი გიოდვესჷ, ნამუთ თიშ სახეს პანჯის გიოჭვათუანდჷ. მარა ლოკეშ შურ დო გური ჩილი, სიგინი გვერიშ პანჯის თასის ეუფორუანსჷ, თიშენ ნამდა ლოკექ ჭუა ვეგინას. მუჟამ თასი ეიფშაფუნ დო სიგინი თიშ ჩოლუას ოცადუნ პანჯიშ ჭვათეფი იშენ გიოჭვათანს ლოკეს სახეს დო თინა ჯანქირე ჭუას გინაფლენს. გინმოჩამათ, წორას ათე ბორჯის ხვადუ დიხაუჩას დიხაშ ნალუა.

 

ვიკიოწკარუეს^? რე ხასჷლა თემაშენ:

ლოკი (კომიქსი)

• Arvidsson, Stefan (2006). Aryan Idols: Indo-European Mythology as Ideology and Science. University of Chicago Press.
• Bellows, Henry Adams (1936). The Poetic Edda: Translated from the Icelandic with an Introduction and Notes. Princeton University Press. American Scandinavian Foundation.
• Calverley, William Slater (1899). Notes on the Early Sculptured Cross: Shrines in Monuments in the Present Diocese of Carlisle. T. Wilson.
• Dickins, Bruce (1915). Runic and Heroic Poems of the Old Teutonic Peoples. Cambridge University Press.