კამილო კავური
კამილო პაოლო ფილიპო ჯულიო ბენსო, კავურიშ, ჩელარენგოშ დო იზოლაბელაშ გრაფი (იტალ.
10 მარაშინათუთა, 1810 — ღ. 6 მანგი, 1861) — იტალიარი პოლიტიკოსი, ბიზნესმენი, ეკონომისტი, იტალიაშ გოართოიანაფაშ (რისორჯიმენტო) ჸარაფიშ ართ-ართი თარი ფიგურა, მემარძგვანე პოლიტიკური პარტიაშ ართ-ართი ლიდერი.
| კამილო ბენსო დი კავური იტალ. Camillo Benso di Cavour | ||
 კამილო კავურიშ პორტრეტი (ანტონიო ჩიზერიშ ნახანტა) | ||
| იტალიაშ მაართა პრემიერ-მინისტრი | ||
|---|---|---|
| პოსტის გერინაშ ბორჯი | ||
| 23 მელახი, 1861 – 6 მანგი, 1861 | ||
| მონარქი | ვიტორიო ემანუელე II | |
| წიმოხონი | მუ, მუჭოთ სარდინიაშ ომაფეშ პრემიერ-მინისტრი | |
| მონძე | ბეტინო რიკასოლი | |
სარდინიაშ ომაფეშ პრემიერ-მინისტრი | ||
| პოსტის გერინაშ ბორჯი | ||
| 21 ღურთუთა, 1860 – 23 მელახი, 1861 | ||
| მონარქი | ვიტორიო ემანუელე II | |
| წიმოხონი | ალფონსო ფერერო ლამარმორა | |
| მონძე | კინ მუ, მუჭოთ იტალიაშ პრემიერ-მინისტრი | |
სარდინიაშ ომაფეშ პრემიერ-მინისტრი | ||
| პოსტის გერინაშ ბორჯი | ||
| 4 გერგობათუთა, 1852 – 19 კვირკვე, 1859 | ||
| მონარქი | ვიტორიო ემანუელე II | |
| წიმოხონი | მასიმო დ'ადზელიო | |
| მონძე | ალფონსო ფერერო ლამარმორა | |
ფინანსეფიშ მინისტრი | ||
| პოსტის გერინაშ ბორჯი | ||
| 19 პირელი, 1851 – 11 მესი, 1852 | ||
| მონარქი | ვიტორიო ემანუელე II | |
| პრემიერ-მინისტრი | მასიმო დ'ადზელიო | |
| წიმოხონი | ჯიოვანი ნიგრა | |
| მონძე | ლუიჯი ჩიბრარიო | |
ოფუტეშ მეურნებაშ დო ვაჭარუაშ მინისტრი | ||
| პოსტის გერინაშ ბორჯი | ||
| 11 გჷმათუთა, 1850 – 11 მესი, 1852 | ||
| მონარქი | ვიტორიო ემანუელე II | |
| პრემიერ-მინისტრი | მასიმო დ'ადზელიო | |
| წიმოხონი | პიეტრო დე როსი დი სანტაროსა | |
| მონძე | ჯუზეპე ნატოლი (1861) | |
დეპუტატეფიშ პალატაშ მაკათური | ||
| პოსტის გერინაშ ბორჯი | ||
| 30 მანგი, 1848 – 17 მელახი, 1861 | ||
| დუნაბადი | 10 მარაშინათუთა, 1810 ტურინი, საფრანგეთიშ მაართა იმპერია | |
| ნაღურა | 6 მანგი, 1861 (50 წანერი) ტურინი, იტალიაშ ომაფე | |
| ერუანობა | იტალიარი | |
| პოლიტიკური პარტია | მემარძგვანე | |
| ხეშმოჭარუა |  | |
კამილო კავურიქ დებადჷ ტურინს. გურაფულენდჷ ტურინიშ ოურდუმე აკადემიას. ახალნორდობაშე ბრელს შარალენდჷ. რდჷ შვეიცარიას, ინგლისის, ნიდერლანდეფს, გერმანიას. ორდოიანი წანეფიშე დაინტერესებული რდჷ პოლიტიკათ. 1847 წანაშ 15 ქირსეთუთას, კავურიქ, ტურინს ჩეზარე ბალბოწკჷმა ართო დარსხუ ლიბერალურ-ნაციონალისტური გაზეთი "Il Risorgimento". 1848 წანას კავური გიშაგორილქ იჸუ სარდინიაშ ომაფეშ დეპუტატეფიშ პალატაშ მაკათურო. კავურიქ უცბას მიპალუ პოლიტიკური პოპულარობა. პიემონტ-სარდინიაშ თარობას უკინებუდჷ შხვადოშხვა პოსტეფი. კავური კაბეტი შანულობას არძენდჷ რკინაშარაშ რშვილიშ დო ტრანსპორტირაფაშ გოვითარაფას. 1852 წანას კავურიქ გინირთჷ პრემიერ-მინისტრო. თიში მართუალაშ ბორჯის, სარდინიაშ ომაფე მონაწილენდჷ ყირიმიშ ლჷმას. ლჷმას გომორძგუათ, სარდინიაქ გინირთჷ შანულამი პოლიტიკური ნძალათ ევროპას.
კავურიშ პოლიტიკაშ თარი ღანკი რდჷ იტალიაშ გოართოიანაფა დო ჸათე ღანკით ოცადუდჷ საფრანგეთიშე შენწიაშ მეღებას. 1858 წანას კავურიქ ქეშეხვადჷ ნაპოლეონ III-ს, ნამუქჷთ კავურის შეპირჷ ალარინა, მარა სამანგათ მითხუ ნიცა დო სავოია. 1859 წანაშ 29 პირელს ქიდიჭყჷ ლჷმაქ ავსტრიაშ დო პიემონტ-სარდინიაშ შქას. სარდინიაშ დო საფრანგეთიშ გოართოიანაფილი ნძალეფი იკათუანდჷ დოხოლაფირო ჯიროში ანთასი ჯარიშკოჩის. ლჷმას, თაშნეშე მონაწილენდჷ ჯუზეპე გარიბალდი. მაჯენტაშ დო სოფერინოშ ბურჯაფეფს ავსტრიალეფქ დემარცხეს დო უკახალე დიკინეს. 1859 წანაშ გერგობათუთას ციურიხის ქუდოდვეს ოთინჩალე ხეკულუა, ნამუშ ნძალათ ლომბარდიაქ მიშელჷ პიემონტიშ აკოდგინალუაშა, მარა ვენეციაქ ავსტრიას ქუდასკიდჷ. ლჷმაშ პარალელურო, ოორუე დო ცენტრალური იტალიური სათაროეფს - პარმას, ტოსკანას დო მოდენას - საფრანგეთიშ ჯარეფიშ ხემანჯღვერობათ იტარინჷ პლებისციტიქ დო თე რეგიონეფქ ხოლო პიემონტიშ აკოდგინალუაშა მიშელჷ.
1860 წანას გარიბალდიქ დო თიში ალმარენჯეფქ გეგნორთეს სიცილიაშა დო გეჭოფეს პალერმო. 1860 წანაშ ეკენიას გარიბალდიქ რსულას ქიდეკინჷ ნეაპოლიშ ომაფე. გარიბალდიქ ნეაპოლიშ ომაფე გეგნოჩჷ პიემონტიშ მაფას ვიტორიო ემანუელე II-ს. 1861 წანას იტალიაშ მაართა პარლამენტიქ ვიტორიო ემანუელე II გეგმაცხადჷ ედომუშამი იტალიაშ მაფათ.
1861 წანაშ 23 მელახის, კავურიქ გიშაგორილქ იჸუ იტალიაშ მაართა პრემიერ-მინისტრო. ჸათე პოსტი კავურის უკინებუდჷ ხვალე სუმი თუთაშ გოძვენას. კავურიქ ღურუ 1861 წანაშ 6 მანგის, 50 წანერქ. თიქ ვამაჭიშუ იტალიაშ რსულას გოართოიანაფას, ნამუქჷთ 1871 წანას მოხვადჷ.
ლიტერატურა
This article uses material from the Wikipedia მარგალური (Margaluri) article კამილო კავური, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.