ვაშინგტონიშ უნივერსიტეტი (ინგლ.
ვაშინგტონიშ უნივერსიტეტიქ დირსხუ 1861 წანას დო თინა ააშ-იშ ართ-ართი უჯვეშაში უნივერსიტეტი რე. უნივერსიტეტიშ თარი კამპუსი იდვალუაფჷ სიეტლიშ ოუნივერსიტეტე რაიონს. უნივერსიტეტის, თაშნეშე უღჷ კამპუსეფი ვაშინგტონიშ შტატიშ ნოღეფს: ტაკომას დო ბოტელის. ვაშინგტონიშ უნივერსიტეტიშ ბიბლიოთეკეფიშ სისტემა ართ-ართი უდიდაში რე მოსოფელიშ მასშტაბით დო იკათუანს 26 ბიბლიოთეკას. უნივერსიტეტი თაშნეშე ადმინისტრირენს ხელუანობეფიშ დო მენცარობეფიშ ცენტრეფს, მუზეუმეფს, ლაბორატორიეფს, ოლექციე დარბაზეფს, სპორტულ მოედანეფს დო შხვა.
ვაშინგტონიშ უნივერსიტეტი ინგლ. University of Washington | |
დევიზი | Lux sit (ლათ.) |
---|---|
დირსხუ | 1861 |
ტიპი | ოჯარალე |
ფონდეფი | $ 4.88 მლრდ. (2021) |
წორომახანდე | 5,803 |
პრეზიდენტი | ანა მარი კოსი |
პროვოსტი | მარკ რიჩარდსი |
სტუდენტი | 49,025 (2021) |
ორენი | სიეტლი, ვაშინგტონი, ააშ |
კამპუსი | ურბანული |
საიტი | washington.edu uw.edu |
ვაშინგტონიშ უნივერსიტეტი ააშ-იშ ართ-ართი პრესტიჟული დო რეიტინგული უნივერსიტეტი რე. უნივერსიტეტი რე მაკათური ამერიკული უნივერსიტეტეფიშ ასოციაციაშ. მენცარობაშ ერუანული ფონდიშ მუნაჩემეფით, უნივერსიტეტიშ ფინანსეფი მენცარული რკვიებეფიშო 1.4 მლრდ. დოლარიშ უმოსი რე (2018 წ.) დო ჸათე მუნაჩემეფით თინა რე მახუთა უნივერსიტეტი ამერიკას. 2021 წანაშ მუნაჩემეფით უნივერსიტეტის ჸუნდჷ 49,025 სტუდენტი, 5,803 აკადემიური დო 16,174 ადმინისტრაციული პერსონალი.
ვაშინგტონიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 21 ლაურეატი, პულიცერიშ პრემიაშ ბრელი ლაურეატი, თაშნეშე ბრელი ფულბრაიტიშ სტიპენდიანტი, მარშალიშ სტიპენდიანტი დო როდსიშ სტიპენდიანტი.
ვაშინგტონიშ უნივერსიტეტი რე აფილირებული ტექნოლოგიური გიგანტეფიწკჷმა: Amazon, Boeing, Nintendo დო Microsoft. ვაშინგტონიშ უნივერსიტეტის კომპიუტერულ ლაბორატორიეფს მუშენდეს: პოლ ალენი დო ბილ გეიტსი.
This article uses material from the Wikipedia მარგალური (Margaluri) article ვაშინგტონიშ უნივერსიტეტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.