ბოსვაში
ბოსვაში, ოორუე-ბჟაეიოლი მეგაპოლისი, ოორუე-ბჟაეიოლი კორიდორი, თაშნეშე Acela კორიდორი, თაშნეშე ბოსტონი-ვაშინგტონიშ კორიდორი (ინგლ.
Boswash, Northeast megalopolis, Northeast Corridor, Acela Corridor, Boston–Washington corridor) — მახორობაშ მუდანობათ უდიდაში მეგაპოლისი ააშ-ს. მეგაპოლისი იდვალუაფჷ ატლანტიშ ოკიანეშ წყარპიჯის, ოორუე-ბჟაეიოლ აკოართაფილ შტატეფს. მეგაპოლისი იჭყაფჷ ნოღა ბოსტონიშე დო ითებჷ ვაშინგტონს. ბოსვაშიშ მეგაპოლისი იკათუანს უშხუაშ ნოღეფს: ბოსტონს, პროვიდენსის, ჰარტფორდის, ნიუ-ჰეივენს, ნიუ-იორკის, ჯერსი-სიტის, ნიუარკის, ტრენტონის, ფილადელფიას, ბალტიმორს დო ვაშინგტონს. მინშა ბოსვაშიშ მეგაპოლისიშა მიშმეჸონანა უმოს ჭიჭე ურბანულ აგლომერაციეფს ხოლო: რიჩმონდის, ნორფოლკის, პორტლენდის დო ჰარისბერგის. ბოსვაშიშ მეგაპოლისი იკათუანს მენიშ, ნიუ-ჰემპშირიშ, მასაჩუსეტსიშ, როდ-აილენდიშ, კონექტიკუტიშ, ნიუ-იორკიშ, ნიუ-ჯერსიშ, პენსილვანიაშ, დელავერიშ, მერილენდიშ დო ვირჯინიაშ შტატეფიშ ტერიტორიეფს. ბოსვაშიშ მეგაპოლისიშ ფართობი დოხოლაფირო 146,000 კმ² რე. მახორობაშ მუდანობა 52 მილიონიშ უმოსი რე. მახორობაშ მეჭედალა რე 359.6 ადამიერი კმ²-ის. სპეციალისტეფიშ აზრით ბოსვაშიშ მახორობაშ მუდანობა მიოჭირინუანს 58.1 მილიონს 2025 წანაშო.
ბოსვაშიშ მეგაპოლისი ტერიტორიულო მეთხოზჷ US-1-იშ დო I-95-იშ ბიწორ ავტომაგისტრალეფს.
ფრანგი გეოგრაფი ჟან გოტმანი (1915-1994) რდჷ ართ-ართი გიშარჩქინელი მენცარი, ნამუქჷთ მენცარული დიგურუ დო გიმირკვიუ ბოსვაშიშ ურბანული რეგიონი.
ბოსვაშიშ მეგაპოლისის იდვალუაფჷ ამერიკაშ დო მოსოფელიშ რეიტინგეფიშ ლიდერი კოლეჯეფი დო უნივერსიტეტეფი: ჰარვარდიშ უნივერსიტეტი, იელიშ უნივერსიტეტი, ფრინსთონიშ უნივერსიტეტი, კოლუმბიაშ უნივერსიტეტი, მასაჩუსეტსიშ ტექნოლოგიაშ ინსტიტუტი, პენსილვანიაშ უნივერსიტეტი, ბრაუნიშ უნივერსიტეტი, ნიუ-იორკიშ უნივერსიტეტი დო ჯონ ჰოპკინსიშ უნივერსიტეტი.
ქოძირით თაშნეშე
- მეგაპოლისი
- აკოართაფილი შტატეფიშ მეგარეგიონეფი
This article uses material from the Wikipedia მარგალური (Margaluri) article ბოსვაში, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.