Меклә Шорһлҗн Хойр

Сән-сәәхн нәәҗнр болад бәәһәд бәәцхәнә. Меклә зунын дуусн мел нәр-наад кеһәд бәәдг болна. Шорһлҗн мел зунын дуусн көдлмшин ард орад, хотан зөөһәд һарна. Меклә дегд нәр-наадндан шүлтә бәәҗ, хотан белдхән мартҗ оркҗ. Генткн үвл болна, меклән геснь өлснә, бийнь даарна. Идн гихлә, иддг хот уга болна. Зөвәр түрәд бәәдг болна, шорһлҗн нәәҗдән күрәд ирнә. -Нәәҗ, нәәҗ, менд,- гинә. -Менд,- гинә шорһлҗн. -Цаг биш цагла чи яһҗ йовнач? -гиҗ шорһлҗн сурна. -Арһ чамд, нәәҗ. Нәр-наадн дегд ик болад, хотан белҗ авч чадсн угав. Тегәд чамур ирүв,- гиҗ меклә келнә. -Хөөткән санл уга, иигтлән нәр-наадна ард орад бәәдв. Иигҗ чи бидн хойр нәәҗ болҗ чадш угавидн. Би мел зунын дуусн көдләд бәәхлә, чи мел зунын дуусн нәәрләд бәәвшч. Тиигчкәд, нанас хот хәәнәч,- гиҗ шорһлҗн керлднә.- Болв сән-сәәхн бәәсн чини седкличн һундахшв. Тер темәнә көл ав,- гиһәд , царцахан нег һуй өгнә. -Тиим бичкн өглһ өгчкәд, хәрү бийим наад бәрҗәнәч,- гиһәд меклә шорһлҗнла цүүгнә. Тиигәд үүнәс хооран меклә шорһлҗн хойр нәәҗ болдган уурна.

Эн зүүл белдлһн. Та төслд эн халхиг өргҗүләд дөң өгҗ чаднат.