勒地質學中,「羅迪尼亞」(源自俄語родина,意即「故國」)是一塊承載絕大部份陸地面積個超級大陸名稱。根據板塊構造重構,羅迪尼亞超大陸存在於新元古代(11億年前到7.5億前箇段辰光)。
相對於3億年前個末腳隻超級大陸盤古大陸來講,羅迪尼亞超大陸個確切位置搭地理史還所知甚少。古地磁證據為個別地殼個古緯度提供了一眼線索,同時地質學家通過拼湊昶朞分散個相類似地質特徵還原了古經度。
大概在7億年前(所謂個成冰紀個雪球地球時期),全國氣候極端冷卻,埃迪卡拉紀搭寒武紀之間個原始生命個急速發展,通常認作是羅迪尼亞超大陸個分裂所引發個。
新元古代早期存在一個超級大陸個假想產生於20世70年代,當時地質學家提出箇一紀元個造山帶事實上遍佈於全部穩定地塊。 例如北美個格林維爾造山作用、西伯利亞個烏拉爾造山作用搭歐洲個達斯蘭亭造山作用。
自此之後,關於箇塊超級大陸中個穩定地塊構造提出過無數可選個重構設想。多數重構是基於弗同穩定地塊個造山帶之間個關聯性。 雖然昶朞羅迪尼亞超大陸個核心穩定地塊構造眾所周知,最近個重構還有蠻多細節差異。地質學家試圖通過收集地質搭古地磁數據來降低弗確定性。
羅迪尼亞超大陸可能以赤道南部為中心。 大多數重構顯示羅迪尼亞超大陸個核心由北美穩定地塊形成(後僈個勞倫西亞古陸), 東南向畀東歐穩定地塊圍繞(後僈個波羅地古陸)、亞馬遜搭西非穩定地塊,南向是拉普拉塔穩定地塊搭聖弗朗西斯科穩定地塊,東北向有澳洲穩定地塊、印度次大陸搭東南極洲。其中北向個西伯利亞、華北、華南、北美陸塊個位置勒重構中難以抉擇。
羅迪尼亞超大陸形成之前個古地理幾乎一片空白。依古地磁與地質資料進行個重構衹勒羅迪尼亞大陸分裂之後纔足夠肯定,箇點已經取得廣泛共識。羅迪尼亞超大陸極可能形成於11億年前到10億年前之間,然後勒7.5億年前再一筏分裂。 羅迪尼亞超大陸周邊個泛大洋,地質學家稱之為米洛維亞(源自俄語мировой,意即「全球個」)。
相對於羅迪尼亞超大陸個形成,理解渠分裂帶來個陸地板塊移動便順當無數爻。分裂運動並勿是全國各地共時開始個。新元古代時期勒多數陸地上大量個熔巖流搭火山噴發,為7.5億年之前出現個陸地分裂提供仔證據。 早如8.5億與8億年前, 現今個澳洲、東南極洲、印度陸塊及剛果搭卡拉哈里穩定地塊畀分裂仔一邊,剩落來個後僈個勞倫西亞、波羅地古陸,亞馬遜、西非、拉普拉塔穩定地塊許分到另外一邊。裂縫勒埃迪卡拉紀延伸進入阿達馬斯托洋。
大約勒5.5億年前(埃迪卡拉紀搭寒武紀個分界時期),第一組穩定地塊最終搭亞馬遜、西非、拉普拉塔穩定地塊重新整合。箇一構造階段稱為泛非造山作用,形成億萬年穩定個岡瓦納古陸。
勒6.1億年前光景(埃迪卡拉紀中期),一次分裂事件創出巨神海,其東部位於波羅地搭勞倫西亞古陸之間,西部位於亞馬遜與勞倫西亞古陸之間。為箇分裂個確切辰光搭同時代個泛非造山作用難以關聯,粗略推算應為6億年前至5億年前,當時所有個陸塊再次合併到潘諾西亞超大陸。
搭後僈個超級大陸弗樣,羅迪尼亞超大陸本身是荒野荒市個。箇片大陸早於生命登陸旱地便已存在,因為臭氧層未朆形成,暴露勒紫外線裡向個陸地弗適合任何生物棲息。弗過,渠個存在大大影響爻當時個海洋生物。
成冰紀個地球經歷過巨大個冰川,溫度至少搭昶朞樣個冷。羅迪尼亞超大陸個實體畀冰川或者南部極地冰冠蓋牢。
低溫個作用勒大陸分裂早期階段畀誇大。地殼中地熱升溫到一定峰值開始分裂,由於熔巖密度較小,地殼個巖石相對周邊膨起。箇種膨出造成地表擡升到空氣更冷、並且冰雪長年弗煬個蕩地,該可以解釋為解某埃迪卡拉紀出現大量冰川個痕跡。
陸地個最終分裂造就新個海洋搭海底擴張,產生更溫暖、更低密度個海洋巖圈。為渠個低密度,熱海洋巖圈弗搭冷個巖圈樣個埋勒深處。新巖圈相對較大個時期,海底擡升,導致海平面上升。結果造就更多個淺海。
擴大個海域面積中增加個蒸發量,可能增加降雨,反轉過來加快裸露巖石個風化。通過對穩定同位素個比例18O:16O數據輸入電腦模型,表明聯同火山巖個快速風化,增加個降雨量導致溫室氣體減少到一定程度,從而觸發極端冰川氣候個雪球地球個機關。
火山活動增加,還為海洋環境引入生物活性營養成份,該勒早期個動物發展中發揮了重大作用。
Template:Continents of the world
This article uses material from the Wikipedia 吴语 article 羅迪尼亞, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.