盧旺達大屠殺是1994年盧旺達發生個種族滅絕事件,僅一百天個辰光里就有50—100萬人畀殺脫。大屠殺是因盧旺達胡圖族搭圖西族個盧旺達內戰,國內因迭搭胡圖政府個歧視政策種族仇視老大,雖然1993年內戰臨時停火但氣氛還是緊張弗小。1994年胡圖族總統朱韦纳尔·哈比亚利马纳墜機身亡,胡圖族歸咎垃圖西族上,撕破停火協議,開始大肆屠殺圖西族。盧旺達垃大屠殺期間情況邪氣慘,橫屍遍野,血流成河,約70%個圖西人口畀殺脱。屠殺有胡圖政府搭領袖個積極參與,胡圖領袖用廣播發號施令,煽動仇恨,畀平民搭民兵僅以原始個砍刀殘忍大規模屠戮圖西族。國際對迭個反應也蠻失敗,美國垃索馬里出兵失利後弗想再干預非洲,聯合國維和部隊也嘸大用,法國對胡圖政府個支持在屠殺中作用弗小。雖講胡圖驚人殘忍進行屠殺,但軍事方面嘸能耐,保羅·卡加梅個圖西軍隊垃1994年7月辰光打進盧旺達首都吉佳利,結束大屠殺。弗過,逃到剛果民主共和國個二百萬害怕報復個胡圖人成為圖西人心腹大患,以後多年盧旺達圖西政府弗斷出兵剛果打擊前胡圖政府軍,引發多趟非洲大戰,如第一次搭第二次剛果戰爭。
This article uses material from the Wikipedia 吴语 article 盧旺達大屠殺, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.