Mariette Vignette: Scrijheuse e walon
Mariette Vignette (ki sinéve eto Mariette Paque, u Mariette Paque-Vignette, c' est ene sicrijheuse e walon k' a skepyî a Rocoû li 14 di may 1921.
| Skepiaedje | 14 di may 1921, Rocoû |
|---|---|
| Activités | scrijheuse, contåbe |
Ele sicrijha des arimés, ene rimêyès pîce di teyåte et des tchansons e walon ("nos tchvås").
Diviè 1968, elle eplaida ene ramexhnêye d' arimés, "Coixheure", et rascode des pris avou. E 1969, ele rexhe ene (rimêye) pîce di teyåte "A l' esprindåjhe" k' a rascodou l' pris Djôzef Derbu pol minme anêye.
Après, on piede si rote. Co ene k' a passé come li stoele a cawe ezès belès letes e walon.
Elle est rprinjhe dins l' antolodjeye Fleurs diyalectåles et dins l' Antolodjeye Scrire.
Di s' mestî, elle esteut contåbe et comi-voeyaedjeuse.
Corwaitaedje tecnike
Les tinmes da Mariette Vignette
Tos les bokets di "Coixheures" mostrèt felmint on grand penin, dandjreus des amours k' ont må tourné.
Dins l' boket "Gayete", ele mostere k' elle est tchokêye påzès cis ki baltént les noers, a cåze di leu pea, tot lzî djhant "Va s' ti laver !, t' es tot noer"
Li cogne des arimés
C' est del powezeye foirt libe, des côps sins rimes (Mi batea…)
C' est sovint des courts powinmes, mins totes sôres di pîtaedjes et totes sôres d' adjinçnaedjes.
Onk des pus beas rimeas : gayete
Vos endè sovnoz vs ?
Vos l' avîz lomé "Gayete"
Vos sovnoz vs
Di s' pôve pitit vizaedje,
Tot noer
Di ses grands ouys pierdous
Et di s' tiesse di boubou ?
C' esteut l' Sint-Nicolai…
Rawårdéve, lu, gayete
Å fén coron del classe.
Rawårdéve k' on lyi dnaxhe
Kékes boubounreyes.
Vos l' avîz-st ahonti
Tot lyi dnant ene savonete.
Il a tant ploré, gayete,
Tant ploré.
Pu, il a ndalé, l' gayård,
Avou s' frake di sôdård
Il esteut bea
Bea
Pol prumire feye,
E vosse classe
On-z a ramoenné ses cindes…
Et
Pol prumire et dierinne feye,
Vos n' l' avoz pus lomé "Gayete".
Hårdêye difoûtrinne
- Si pådje so l' Aberteke
Li Wiccionaire si rsieve di sacwantès fråzes da Mariette Vignette po-z enimådjî des mots k' i gn a.
This article uses material from the Wikipedia Walon article Mariette Vignette, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.