Georges Simonis
Georges Simonis a skepyî a Djoupeye li 13 di decimbe 1940.
C' est on scrijheu d' arimés et d' pîces di teyåte e walon.
Il a stî rprins dins l' antolodjeye «Scrire».
Ouve pol walon
Il a prindou pårt a ene flouxhe di bates di scrijhaedjes e walon. Et lzès wangnî pacô, come li pris del Federåcion do Roman Payis e 1976.
Onk des prumîs scrijheus di pîces di teyåte d' après 1950 k' a plaecî ses spoûles dins l' vicåreye di s' tins.
Il a eto stî cåzaedjisse po Michel Azaïs (Ene amour a pårt, Poenne di tchesturlinne).
Sacwantès ouves
- "Sot kî vout"
- "Trop ptit cour po tant d' amour" : ene comedeye ki mostere troes djermêyes di djins, avou on manaedje ki s' dismantche, pitchote a midjote, et fini so ene fesse.
- «Mayeur et borguimwaisse» (avou Joseph Gérard) : ene comedeye ki s' passe so on on bati d' viyaedje, la ki, totenoncô, li pompe a aiwe si mete a stritchî… del petrole.
Hårdêyes difoûtrinnes
- Si pådje so l' Aberteke
- Poenne di tchesturlinne (paroles da Djôr Simonisse po ene tchanson da Michel Azais)
This article uses material from the Wikipedia Walon article Georges Simonis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.