Li Rweyåme del Coisse d' Ôr, c' esteut ene ancyinne coloneye britanike.
Asteure, c' est co onk des rweyåmes tradicionels do Gana.
Metou sol mer, el Gofe di Guinêye, i fjheut foirt åjhey d' î abroker, po les martchands di sclåves.
Li dierin abrocaedje, al difén do 19inme sieke, a stî d' ene waeraxhté foû mzeure. Li Rwè eyet l' Royinne fourît macsådés. I gn è schapa k' ene pitite princesse ki s' ressåva lon erî, a Bijhe, avou on vårlet do Palå. Il ont dmoré la, sins pus oizeur ridmander cwè åd fwait di leu rweyåme, et s' mete avå les djins.
Dipus d' cint-z ans pus tård, diviè 2003, les dischindants di cisse princesse la ont stî rtrovés pa on martchotea ki passéve dins l' cotoû. Les valets del dischindante del princesse estént tertos foû payis. Li consey des Ancyins lezî a atåvlé di rivni prinde leu trone.
Onk des fis, Nana Attobrah, dimoréve el Walonreye, å Bork. C' est lu k' est asteure li Rwè.
This article uses material from the Wikipedia Walon article Coisse d' Ôr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.