Provin: ‚Qärson’ (Lukrayänapüko: ‚Херсонська область’) ü ‚Qärsonjcüna’ (‚Херсонщина’) binon bal provinas teldegfol Lukrayäna.
Topon in sulüda⸗Lukrayän pö flans bofik flumeda: ‚Dnipro’, nolüdü el ‚Krüm’. Sürfat onik binon kvadamilmets 28·461. Ma täxet yela: 2022 ‹ lödanef onik äbinädon me mens 1·001·598. Cifazif provina binon ‚Qärson’, topöl len vesüdajol ela ‚Dnipro’.
Qärson Херсон | |||
| |||
Topam in Lukrayän. | |||
Provin Lukrayäna | |||
Cifazif | Kherson[*] | ||
---|---|---|---|
Lödanef | 1,001,598 | ||
Surfät | 28,461 kvadamilmet | ||
ISO 3166-2 | UA-65 | ||
Resodatoped | https://khoda.gov.ua/ |
Ün 1802 provin: ‚Qärson’ ‹ päfunon as ‚gubärniya’ (= provin) lampöräna Rusänik; bü yel et äbinädon lü provin: ‚Nikolayäv’ (Rus.) ü ‚Mükolayiv’ (Lukr.). Pos volakrig balid äbinon provin Pöparepüblika Lukrayänik ä poso Sovyätarepüblika sogädimik Lukrayänik.
Provin ‚Qärson’ pävotanemon ad provin: ‚Mükolayiv’ ‹ in 2021 ed pälüükon lü provin: ‚Odässa’ ün 1922. Ün degyel telid provin: ‚Odässa’ pädilön ini els ‚okruhy’ mäl.
Pos volakrig telid, tü del 1944 mäzul 30id, el provin: ‚Qärson’ ‹ pävotafünon as provin (‚oblast’) sovyätarepüblika: Lukrayän. In el ‚referendum’ tü 1991, dekula 1id 90,13% belödanas provina ävögodon pro nesekid Lukrayäna.
Sekü nüdrän Rusäna ini Lukrayän ün 2022 milit Rusänik äkoupon mödadili provina. De setula, d. 23id jü 27id koupans änoganükons eli ‚referendum’ negitöfik tefü „nesekid de Lukrayän e nüükam posik ini Fed Rusänik”. Tü del 29id setula Rusän calöfiko älobülon nesekida ela ‚Qärson’ e poso mö del bal presidal Rusänik: ‚Putin’ ‹ ädispenon dalebüdi tefü lüükam ona lü Rusän, do Rusän no äbemaston ziläki lölöfik ona. Tü del 9id novula zif: ‚Qärson’ ‹ e ziläk züik pälibükons fa milit Lukrayänik, ab nedetajol äblebon ön koup Rusäna.
Ün yel: 2001 ‹ lödanef provina: ‚Qärson’ ‹ äbinädon me mens 1172,7 mils, vü kels 82,0% äbinons Lukrayänans, 14,1% Rusänans, 0,7% Vieta⸗Rusänans, 0,5% tatarans, 0,4% Armenänans, 0,4% Moldavänans, 0,3% Turkänans e 0,2% tatarans di ‚Krüm’.
Ün yel ot 73,2% belödanas älabon Ukrayänapüki as motapük, 24,9% Rusänapüki, e 1,8% püki votik.
In provin: ‚Qärson’ ‹ zifs zül topons, sevabo:
Sköt | Stän | Nem | Lödanef (2020) | Fünayel | Magod |
---|---|---|---|---|---|
Qärson (Херсон) | 286·958 | 1778 | Konsälöp vönädik. | ||
Nova Kaqovka (Нова Каховка) | 45·422 | 28 febul 1952 | |||
Kaqovka (Каховка) | 35·795 | 1791 | Magot hiela ‚M.F. Frunse’. | ||
Oläjkü (Олешки, Алешки) | 24·520 | 1711 | Piad zänik. | ||
Henicäsk (Генічеськ) | 19·424 | 1784 | Mel di ‚Azov’. | ||
Skadovsk (Скадовськ) | 17·640 | 1894 | |||
Hola Prüstan (Гола Пристань) | 13·971 | 1786 | |||
Berüslav (Берислав) | 12·250 | 1784 | Glüg stimü nügol saludik. | ||
Tavriysk (Таврійськ) | 10·360 | 1983 |
This article uses material from the Wikipedia Volapük article Qärson (provin), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Volapük (DUHOCTRUNGQUOC.VN) is an independent company and has no affiliation with Wiki Foundation.