Andrew Drummond
Hiel Andrew Drummond (Britäna-Linglänapüko: ) binom lautan se Edinburgh (Skotän).
  | |
|---|---|
| Cal(s): | hipükavan[*], hitradutan[*] |
Pals bofik oma äbinons pükitidans. Ästudom pükis in nivers di Aberdeen e di London. Penom dilatimo, e vobom as programan. Plä lekoneds oka: An Abridged History, A Hand-book of Volapük, Elephantina e Novgorod the Great, älautom konotis mödik (no pepübölis), äsi tradutodis se Deutänapük.
Do no binom Volapükan legik, elautom lekonedi tiädü: A Hand-book of Volapük (Tidabuk Volapüka), in kel bepenom tävaventüris söla Gemmel Justice, Volapükan mu lanälik, kobü el Sir Thomas Urquhart foltumyelik, e komip oma ta leneflen badälik: dokan Bosman, slopan Sperantapüka. Lekoned at ninädon i gramati brefik Volapüka rigik sa taibs gramatik, okskilükams e lised vödas Volapükik za lultums: buk kanon pagebön as nüdugot ini Volapük rigik. El Drummond emagom Volapükamufi (ed i yufapükamufis valik) as grup dialimanas no go jenöfimikas, kels ävilons vobön pro benosek Püka Bevünetik no ibetikölo patis e dinädis valik e no isuemölo sekis ona pro menef, e kels äbejäfons suvumo vödafeitis ta ods (me leceds e blöfastabs ai no tikaviks tefü „yufapük gudikün“) ka säkädis jenöfik vola onsik.
Lautots
Buks
- 2004. An Abridged History. Edinburgh: Polygon.
- 2006. A Hand-book of Volapük. Edinburgh: Polygon.
- 2008. Elephantina. Edinburgh: Polygon.
- 2010. Novgorod the Great. Edinburgh: Polygon.
- 2017. The Intriguing Life and Ignominious Death of Maurice Benyovszky. New York/London: Routledge.
Konots
- 2002. A Chronicle of the World 1840-1893. In: Writing Wrongs.
Tradutods (se Deutänapük)
- 1983. Letters on Capital. (Rigäd fa Marx ed Engels.) London: New Park.
- 1991. And Red is the Colour of Our Flag. (Rigäd fa Oskar Hippe.) London: New Park.
- 1992. Trotsky and the Russian Social-Democratic Controversy over comparative revolutionary history. (Rigäd fa Udo Gehrmann.) In: The Trotsky Reappraisal, Brotherstone e Dukes (red.). Edinburgh: Edinburgh University Press.
Yüms plödik
- Bepen e krüt brefiks ela A Hand-Book of Volapük (in Linglänapük), fa hiel Peter Burnett.
- Spikot ko lautan dö lekoned An Abridged History (in Linglänapük).
- Resodapad lautana, kö binons i küpets tefü lebuks omik.
This article uses material from the Wikipedia Volapük article Andrew Drummond, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Volapük (DUHOCTRUNGQUOC.VN) is an independent company and has no affiliation with Wiki Foundation.