Lodewyk Ii Van Italië

Lodewyk II van Italië

825- 875
Rôomse keizer
Periode 850-875 me Lotharius I (850-855) Vôorganger Lotharius I Ipvolger Karel de Kletsn
Keunienk van Italië
Periode 844-875 me Lotharius I (844-855) Vôorganger Lotharius I Ipvolger Karel de Kletsn
Keunienk van Provence
Periode 863-875 Vôorganger Karel van Provence Ipvolger Karel de Kletsn
Voader Lotharius I Moeder Ermengarde van Tours

Je was den oudste zeune van keizer Lotharius I en Ermengarde van Tours.

Je wierd ol in 839 angeduud vo keunienk van Italië te wordn. De 15e juni 844 wierd ’n in Rome tout keunienk gekrôond deur paus Sergius II en in 850 tout co-keizer deur paus Leo IV, ook in Rome.

In 851 ist ’n getrouwd met Engelberga.

Zyn voader verdêelde zyn Middnryk in 855, nie lange vo z'n dôod, by 't Verdrag van Prüm:

• Lodewyk krêeg Nôord-Italië met de keizerskrône
• Lotharius II krêeg et nôordelik stik van ’t middnryk: Lotharingn.
• Karel krêeg Provence.

Karel van Provence stierf in 863. J’ha gin zeune vor hem ip te volgn en zyn bezittiengn wierdn verdêeld ounder zyn twi broers:

• Lodewyk krêeg Arles, Aix en Embrun en kwam azo ook keunienk van Provence.
• Lotharius II krêeg ‘t bisdom van Lyon, Vienne en Grenoble by zyn Lotharingen.

• Gisela
• Ermengarde, getrouwd met Boso van Provence.

Lodewyk ha gin zeuns en doadeure wierd ’n ipgevolgd deur zyn nounkel Karel de Kletsn.

Ofbeeldiengn die ier by passn ku je vien in de categorie Keizer Lodewyk II van Wiki Commons.