Keurvorst
De keurvorst (Duuts: Kurfürst, Tsjechisch: Kurfiřt, Latyn: princeps elector) was êen van de zeevn leedn van 't kiescollege die mochtn meedoen an de verkiezienge van de Rôomsche keunienk, die loater mêestal gekrôond wierd tout keizer van 't Hillig Rôoms Ryk.
Van 1273 kwoamn de vier keurvorstn van de Reyn al tegoare in Rhens. 't Wierd de Keurverêenigienge van Rhens (Rhenser Kurverein) genoemd.
Rhens, nu in de Duutsche deelstoat Reynland-Palts, was de plekke woa dan ze in 1346 de loatere keizer Karel IV koozn en in 1400 Ruprecht I van de Palts.
Ip die plekke by 't platselik meer bouwdn ze tusschn 1376 en 1398 een trôone van stêen van twi verdiepn, de keuniengsstoel (königsstuhl) genoemd. Hier kwoamn de verkoozn keuniengn den eed van trow ofleggn ip under weg van de verkiezienge in Frankfurt noa de plekke van de krôonienge in Aken.
De keuniengsstoel wierd vernield deur de Fransche in 1803 en loater tusschn 1840 en 1843 heripgebouwd achter e grôote inzoamelienge met hulpe van de keunienk van Pruussn. In 1924 most de stoel verplatst wordn.
De Gouden Bulle van 1356
De Gouden Bulle van 1356 bevestigde officieel dat de zeevn keurvorstn de Rôomsche keunienk mochtn kiezn. 't Wierd ook goegekeurd deur de paus.
De zeevn keurvorstn woarn:
- drie gêestelikke keurvorstn:
- den eirtsbisschop van Keuln
- den eirtsbisschop van Mainz
- den eirtsbisschop van Trier
- en vier weireldlikke keurvorstn:
- de paltsgroaf van de Reyn
- den hertog van Saksn
- de markgroaf van Brandenburg
- de keunienk van Boheemn
 | Ofbeeldiengn die ier by passn ku je vien in de categorie Prince-electors van Wiki Commons. |
This article uses material from the Wikipedia West-Vlams article Keurvorst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.