Vlör (alb.: Vlora i Vlorë ) om lidn Albanijan suvipäivlaskmas.
Se om valdkundan nellänz' lidn eläjiden lugun mödhe, Vlöran agjan administrativine keskuz.
Lidnanznam | |
Valdkund | Albanii |
Eläjiden lugu (2011) | 79,513 ristitud |
Pind | 29 km² |
Pämez' | Dritan Leli (kezaku 2015—) |
Telefonkod | +355-(0)33 |
Aigvö | tal'vel UTC+1, kezal UTC+2 |
Eländpunkt om tetab 6. voz'sadaspäi EME. Amuižen aigan sen nimi oli grekine Avlon-kolonii (amuižgrek.: Αὐλών Aulṓn), znamasine meriport radoi siš. Albanijan ripmatomuz om tedotadud neciš lidnas vn 1912 28. kül'mkud, Vlör oli sen ezmäižeks pälidnaks.
Vlör šingotase kivivoin i londuseližen gazan ümbriradmižel, sömtegimištol (kalan ümbriradmine, keitandsolan pästand), tekstil'tehmižel, sauvondal, lebuturizmal, meriportal (kahtenz' surtte valdkundas) i torguindal.
Lidn sijadase agjan lodehes, Adriatižen meren Vlöran lahten randal, Ionižen meren röunal. Matkad Tiran-pälidnhasai om 135 km pohjoižhe. Vlör-raudtestancii radab vspäi 1985, nügüd'aigan om vaiše jüguiden täht.
Klimat om Keskmeren. Voden keskmäine lämuz om +16,9 C°, heinkun-elokun +25 C°, tal'vkun-keväz'kun +6..+8 C°. Ekstremumad oma +41,6 C° i −7 C°. Paneb sadegid 995 mm vodes, enamba kül'mkus (192 mm) i tal'vkus (141 mm), vähemba kezakus-sügüz'kus (9..32 mm kus).
Vn 2011 Albanijan rahvahanlugemižen mödhe lidnfartaliden eläjiden lugu oli 79 513 ristitud, kaiken municipalitetan — 130 827 ristitud 616 km² pindal, agjan kaks' koumandest.
Universitet Ismail Kemalin nimed (alb.: Universiteti "Ismail Qemali" i Vlorës) radab vspäi 1994, 10 tuhad üläopenikoid.
Vlör Vikiaitas |
This article uses material from the Wikipedia Vepsän article Vlör, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.