I Washington Wizards i ze una de łe trenta scuadre che łe zoga inte ła NBA, el canpionado de basket meregano. I ga un ocio de revardo pa’l fato che i ze ła scuadra de ła capitałe de i Stati Unii; A ghe ze suito da dir che da ła só fondasion inte’l 1961 ła scuadra ła ga canbià un saco de nomi: Chicago Packers, Zephyrs, Capital Bullets, Washington Bullets, Wizards.
Fin a i ani Setanta i ga vùo alti e basi sensa mai sfondar, fin parò a’l 1978 co i ze stài in grado de vìnsar el canpionado batendo in finałe i Seattle Supersonics. El 1997 ła popołarità de i Wizards ła ze de inprovizo sciopada grasie a’l fato che Michael Jordan, che el se jera retirà pochi ani prima, el ga desizo de tornar a zogar proprio co łuri. Inte’l 2003 a ze rivà invese Gilbert Arenas che, par sete ani, el ze stà el nome sìnboło de i Wizards; fin a’l 2021 invese no i ga mìa vùo partegołari sucesi, e proprio par sta razon (el marcà NBA el funsiona, par dirla in breve, che chi che’l va mal un ano, par cueło dopo el ga derito de cronpar i zogadori prima de cheł'altri) A ze rivà el playmaker John Wall, e dopo de łu Kirk Hinrich, Trevor Ariza, Emeka Okafor, Bradley Beal e altri che, anca deso, i ze cuełi che i ze drio inbastir sù i sucesi de na scuadra che ła se pol métar rento tra łe pì bone de ła NBA.
Controło de autorità | VIAF (EN) 129173867 · LCCN (EN) n96107841 · WorldCat Identities (EN) n96-107841 |
---|
This article uses material from the Wikipedia Vèneto article Washington Wizards, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.