Katy Perry
Katy Perry, pseudònemo de Katheryn Elizabeth Hudson (Santa Barbara, 25 de otobre 1984), ła ze na cantaudora, atora e dopiadora statunitense.
.jpg)
Ła ga ezordìo inte'l mondo de ła mùzega inte'l 2001 co un album che porta el so nome, Katy Hudson, che no ga riscontrà suceso. L'artista ga po' razonzesto el suceso mondiałe co i sìngołi I Kissed a Girl e Hot n Cold inte'l 2008, traesti da l'album de debuto co'l so nome d'arte, One of the Boys, che ze deventà el trentatreezemo pì vendùo de chel'ano. Inte'l 2010 vien fora el so terso album in studio Teenage Dream, senjà da grando suceso a łiveło mondiałe, dal cuało ze stà estraesti sìngołi cofà California Gurls, Firework e Last Friday Night (T.G.I.F.). Inte'l 2013 ze venjesto fora Prism, cuarto àlbun in studio de ła cantante, promovesto dai sìngołi de suceso Roar e Dark Horse. Inte'l 2017 ła publega el so cuinto àlbun in studio, Witness, promovesto dai sìngołi Chained to the Rhythm, Bon appétit, Swish Swish e Hey Hey Hey. Tre ani drìoman, inte'l 2020, ła publega el so sesto àlbun in studio, Smile, i cui sìngołi estraesti, a partir dal 2019, ze Never Really Over, Harleys in Hawaii, Daisies, Smile e What Makes a Woman.
Biografia
Primi ani
Katy Perry, a l'anagrafe Katheryn Elizabeth Hudson, ła ze nasesta a Santa Barbara, in Całifornia, el 25 de otobre 1984 al Goleta Valley Cottage Hospital, da Keith e Mary Hudson (nasùa Perry), do predegadori całiforniani. Ła ga orizeni todesche, portoghezi, irlandezi e inglezi, e ła ze segondozenita de tre fradełi; i zii da parte de so mare ze ła senejadora Eleanor Perry e 'l regista Frank Perry.
Perry ła ze stà coinvolzesta fin da puteła inte l'atività rełijoza dei zenidori cantando inte ła ceza łocałe dai nove ai disete ani. Ła ga scominsià a cantar imitando ła soreła Angela ed è cresciuta ascoltando musica gospel, dao che so mare no ghe parmeteva de scoltar cueła che èła ciamava "mùzega profana", e frecuentando scòłe e canpegi cristiani. Ła ga ciapà dezmesteghesa co ła dansa in una sała de zbuòro a Santa Barbara. I so insenjanti jera bałarini navegai, che ghe ga insenjà el swing, el Lindy Hop e'l jitterbug. Ła ga łasà ła Dos Pueblos High School a 16-17 ani par inisiar ła so carièra muzegałe. Drìoman ła ga frecuentà ła Music Academy of the West a Santa Barbara, andove ła ga studià ópara italiana par un curto periodo.
I ezordi (1999-2006)
Co ła gaveva 15 ani, cuando ancora ła cantava in ceza, Perry ga tirà l'atension de alcuni muzicisti rock de Nashville che ła ga menà łà par afinar el so tałento de cantaudora. Cui ła ga tacà rejistrar demo co l'ajuto de veterani del country, che łe ga insenjà anca a sonar ła chitara. Ła cantante ga firmà un contrato co l'eticheta discogràfega de mùzega cristiana Red Hill Records, soto ła cuałe ła ga rejistrà el so àlbun de debuto cuando che ła gaveva 15 ani. Cofà Katy Hudson, ła ga publegà l'omonemo àlbun de debuto gospel-christian rock inte'l 2001. L'àlbun no ga avùo suceso, e l'eticheta ga fałìo daspò on poco de tenpo. Ła cantante ga po' desidesto de canbiar el so conjome in Perry, el nome da puta de so mare, parchè ła pensava che Katy Hudson reciamase masa l'atora Kate Hudson.
A 17 ani ła ga łasà ła so caza par trasferirse a Los Angeles, indove ła ga łaorà co'l produtor Glen Ballard par l'eticheta discogràfega Island Records. Sendo cresùa scoltando soło mùzega gospel, ła cantante ga avesto pochi modełi a cui far refarimento a l'inisio de ła so carièra. Co ghe ze stà domandà co chi che ła vołese cołaborar, èła no ła ga savesto respónder. Ła stesa note, ła ze andà in un hotel co so mare, ła ga inpisà ła tełevizion so'l canałe VH1, e łi ła ga vedesto Glen Ballard che parlava co Alanis Morissette; Ballard ga produzesto l'àlbun de major suceso de ła Morissette, Jagged Little Pill, artista dei granda influensa so Perry, ła cuała ga esprimesto suito intarese inte'l łaorar co Ballard. Un zorno Perry se ga prezentà a caza soa, conpanjada dal pare, ghe ga prezentà na so canson, e'l produtor ła ga risevùa suìto soto ła so ała. El ła ga jutà po' a mejorar ła so tècnega de cantaudora inte i ani sucesivi. El segondo àlbun de Katy gaveva da èsar publegà inte'l 2005, ma, segondo cuanto reportà da ła rivista Billboard, tuti i projeti zera andai in fumo. Ła Island ga łisensià cuindi ła cantante. Alcune canson rejistrae par l'àlbun, intitołae The Box, Diamonds e Long Shot, jera stà cargae so'l profiło MySpace de ła cantante in chel pariodo. Simple, naltra canson che ła gaveva rejistrà co Glen Ballard, ze stà inserìo inte ła cołona sonora del film del 2005 4 amiche e un paio di jeans.
Perry ga firmà un contrato che ghe inpediva de tółer desizion so ła so carièra. Una de łe idee de ła Columbia ze stà cueła de cubiarla co ła scuadra discogràfega The Matrix, che jera drìo łaorar so un àlbun, e che gaveva bezonjo de na cantante. Anca se l'àlbun in cuestion l'è stà mai publegà, Katy ga tirà l'atension dai media: ła so mùzega ze infati sta definìa de primo suceso inte l'otobre 2004 da ła rivista Blender. Restà sensa nisun projeto, Katy ga tacà rejistrar da so pòsta un novo àlbun, che se gavarì dovesto ciamar Fingerprints. L'otanta persento de staltro ze stà conpletà prima del tenpo de scadensa, ła Columbia Records ga desidesto de interonper i łaori e de no publegarlo, ed infìn de łisensiarla. Mentre ła sercava naltra eticheta discogràfega, ła ga łaorà co na conpanjia indipendente de A&R ciamada Taxi Music. Inte'l 2006, Katy ga fazesto na conparsa inte'l video conpanjadorio del sìngoło Goodbye for Now dei P.O.D.; ła ze conparìa in pì inte i video de Cupid's Chokehold dei Gym Class Heroes, in Learn to Fly dei Carbon Leaf e in If We Ever Meet Again di Timbaland.
One of the Boys (2007-2009)
Daspò el łiçensiamento de Perry da ła Columbia Records nel 2006, l'adeta a ła publicità de l'eticheta Angelica Cob-Baehler ga consejà a Jason Flom, el presidente de ła Virgin Records, de sentir ła Perry. In chel pariodo, Flom jera drìo sercar na pop star a cui darghe suceso mondiałe par ła so eticheta. Nonostante łe difarenti cresion dei vari raprezentanti de ła Virgin, Flom ga pensà che Katy Perry gavarìa podesto deventar ła çełebrità che ła spazemava, e, inte i primi mezi del 2007, drìo tratative co ła Columbia, el ghe ga fazesto firmar un contrato co ła Capitol Music Group, na nova eticheta discogràfega che meteva insenbre ła Virgin e ła Capitol. El contrato prevedeva che łe canson rejistrae par l'àlbun mai publegà co ła Columbia Records venjise consarvae, fato che ga avesto na granda inportansa par el segondo àlbun de ła cantante (el primo co'l so nome d'arte), One of the Boys.
Łe canson registrae par ła Columbia zera sta scoltae da Flom, che ga catà el materiałe "molto forte" ma el ga sentìo che mancava "uno o do brani de seguro suceso par el marcà de łe radio pop statunitensi e par cueło intarnasionałe". Ła prima cosa che'l ga fazesto ze stà cuindi crear na cołaborasion tra Perry e l'autor e produtor muzegałe Dr. Luke. Dal so łaor ghe ga rezultà łe canson I Kissed a Girl e Hot n Cold. Crear a ła cantante na imàjne ze stà una de łe prime preocupasion de l'eticheta. A novenbre 2007 ze stà publegà un sìngoło promosionałe, Ur So Gay, co'l fin de verzar łe pòrte del marcà muzegałe. Un EP dizitałe ze stà drìoman publegà co l'intento de atirar ła stanpa e i blog. Sta cua zera stà na mosa eficase, visto che ła Perry ga riusìo ad atirar l'atension de Madonna, che ghe n'a parlà inte'l programa radiofònego de ła matina del 'Arizona JohnJay & Rich de łe radio KISS FM e KRQ. El 10 de marso 2008 ła ze aparìa inte'l ròło de se stesa in un epizodio de ła serie de ABC Family Wildfire intitołà La vita è troppo breve.
Perry ze pasà drìoman a ła segonda faze de ła promosion del so àlbun, che ga consistìo inte'l intraprendar un tour radiofònego de ła durada de do mezi. El primo sìngoło estraesto da l'àlbun, I Kissed a Girl, ze stà publegà el 6 de majo 2008. L'A&R de Perry, Chris Anokute, durante na intervista co'l sito HitQuarters, ła ga afermà che ła canson e 'l so tema controverso ze stà poco apresai dai dirizenti de l'eticheta, afermando: "I dizeva, 'Łe radio no łw trazmetarà mai sta canson. Come faremo a véndarla? In cuało modo sta canson sarà scoltada inte ła Bible Belt?'". Anokute ga dito che i ga avùo bezonjo dei adeti a ła promosion radiofònega de l'eticheta par convinser ła zente a crédar inte'l suceso del sìngoło, sedenò ła sarìa stà łinsensià n'altra volta. L'adeto a ła promosion de ła Capitol Dennis Reese ga jutà donca ła canson a deventar un suceso radiofònego. Ła prima stasion che ga desidesto de trazmetarla jera stà ła radio The River a Nashville. Daspò averla trazmetesta par tre zorni, ła radio ze stà inpinìa de ciamae tełefòneghe entuziaste. Mentre el sìngoło inisiava a scałar łe clasifeghe, Perry ga intraprendesto el festival muzegałe anuałe Warped Tour 2008, visto che'l so management jera drìo sercar de "réndarla famoza cofà na vera cantante a èsar segùri che no ła fuse vedesta soło cofà na toza che ła fa na canson de suceso e po' ła desparise". El sìngoło ze stà un suceso comersiałe, rivando a ła prima pozision de ła Billboard Hot 100 e in sìma a łe clasifeghe de altri dizisete Paezi, tra cui l'Australia, el Canada, l'Italia e 'l Renjo Unìi. El 12 de zunjo 2008 Perry ła ze aparìa come se stesa inte ła soap opera Febbre d'amore e ła ga pozà par ła coertina de l'edision de zunjo 2008 de ła rivista Restless Style. Katy Perry ga ciapà parte al coro de ła canson Another Night in the Hills, includesta inte l'àlbun de debuto de Gavin Rossdale Wanderlust, venjesto fora inte'l 2008.
.jpg)
One of the Boys ze stà publegà el 17 de zunjo 2008 e'l ga risevùo critiche contrastanti. L'àlbun ze entrà a ła nona pozision de ła Billboard 200 vendendo 47.000 copie inte ła so prima setemana e zera stà sertifegà disco de platino inte i Stati Unìi par aver vendùo pì de un milion de copie. L'àlbun ze'l trentatreezemo pì vendùo a łiveło mondiałe inte'l 2008. Par ła so promosion, ze venjesto fora inte l'utuno del 2008 un segondo sìngoło, Hot n Cold, che ze riusìo ad egualiar el suceso del presedente, rivando a ła tersa pozision de ła clasifega statunitense, e ła prima in Zarmania e Canada. Finìo el Warped Tour 2008, Perry ga fazesto de łe ezibision canore in Eoropa. Drìomna ła ga anuncià el so primo tour da sołista, ciamà Hello Katy Tour, a zenaro 2009.
Perry ła ze stà nominà in sincue categorie ai MTV Video Music Award del 2008, tra cui mejo artista emerzente e mejo video de cantante fémana; sto ùltemo premio l'è tutavia andà a Britney Spears. Ła ga vinsùo el premio cofà mejo artista ai MTV Europe Music Award inte'l 2008, che ła ga anca prezentà, e cueło cofà mejo artista femenina inte'l 2009 ai BRIT Award. El 9 de febraro 2009 sia I Kissed a Girl che Hot n Cold ze stà sertifegae triplo disco de platino par aver vendùo oltre tre milion de copie inte i Stati Unìi; al 2012, el primo sìngoło l'avea suparà i sincue milion de copie vendùe, e 'l segondo i sìe.
L'àlbun de debuto dei The Matrix, che ga cołaborà co Perry, ze stà publegà traverso l'eticheta discogràfega del team, ła Let's Hear It Records, durante el tour de Perry. Cuando ła data de publegasion l'è stà stabiłìa, I Kissed a Girl gaveva za razonzesto un notevole suceso intarnasionałe. Lauren Christy, menbro dei Matrix, ga rajonà co Perry, e 'l ga desidesto de spetar a publegar l'àlbun fin a l'usida del cuarto sìngoło estraesto da One of the Boys. Nonostante ciò, l'àlbun ze stà imeso so iTunes el 27 de zenaro 2009, poco drìoman ła publegasion de Thinking of You.
El meze drìo i avocati de ła cantante ga fazesto cauza a ła stiłista emerzente australiana Katie Perry par l'utiłizo de un nome masa sìmiłe a cueło de Katy. Katie Perry drìoman ła ga scrivesto so'l sito che'l 10 de łujo 2009 i avocati de Katy i ga ritirà l'acuza. Durante l'istà 2009 Perry ga partesipà a łe ripreze del film In viaggio con una rock star; ła so sena, inte ła cuała ła baza el so futuro morozo Russell Brand, ła ze stà tutavia tajà. Sénpre inte'l 2009, Perry ga fato parte de do cołaborasion muzegałe : un remix de Starstrukk dei 3OH!3 ad agosto, e If We Ever Meet Again co Timbaland a disenbre. A otobre 2009 MTV Unplugged ga confermà che Perry ła se sarìa ezibìa par łori e che ła gavaarìa publegà un àlbun live drìoman ła so performance co do inediti: Brick by Brick e Hackensack (sta ùltema ła ze na cover dei Fountains of Wayne). L'album ze stà publegà el 17 de novenbre 2009 e include un CD de sete trase e un DVD. L'àlbun ze entrà in clasifega soło inte i Stati Unìi, in Fransa e in Svisera co scarsi rezultadi, razonzendo respetivamente łe pozision nùmaro 168, 192 e 82.
Teenage Dream (2010-2012)
 | Par savèrghene de pì, vardarse łe voxe Teenage Dream e California Dreams Tour. |
Katy Perry ła ze stà un zùdeze a łe audision de ła sètema serie de The X Factor in Gran Bretanja insenbre a Simon Cowell, Cheryl Cole e Louis Walsh el 28 de zunjo 2010 (pontada drìoman mandà in onda el 28 de agosto), zorno inte'l cuało Niall Horan, futuro menbro de ła boy-band One Direction, se ga prezentà pasanddo łe audision grasie a ła stesa Perry. Ła ze stà una de łe sełebrità che ga sostituìo Dannii Minogue, che in chel pariodo ła jera in maternità. Ła sarìa po' tornà a The X Factor el 17 de otobre del steso ano par ezibirse co Firework. El terso àlbun de Perry, Teenage Dream, ze stà publegà el 24 de agosto 2010 in Nordamerica e el 30 de agosto inte'l resto del mondo. L'àlbun ze entrà diretamente inte ła top ten de ła clasifega dei àlbun statunitensi vendendo 192.000 copie inte ła so prima setemana, molte manco de cuanto prevedesto. El ga fin deso vendùo pì 3 miłion de copie inte i Stati Unìi e'l ze stà sertifegà triplo disco de platino. El ga anca fazesto el so debuto in sima a ła clasifega canadeze co 26.000 copie vendùe, par averne totałizae oltre 560.000 fino ad dì d'ancò, ła ze stà cuà premià co'l sètemo disco di platino. In Italia el ga razonzesto ła tersa pozision e'l ze stà sertifegà disco platino co 70.000 copie vendùe.
El primo sìngoło estraesto da Teenage Dream, dal titoło California Gurls, ze stà publegà el 7 de majo 2010 e'l ze entrà a ła segonda pozision de ła clasifega statunitense co 294 000 copie vendùe inte ła so prima setemana. El sìngoło ga drìoman razonzesto ła prima pozision de ła Billboard Hot 100, pozision che ga mantenjesto par sìe setemane consecutive. Łe vendite totałe del sìngoło amonta a sìncue miłion de copie inte i sołi Stati Unìi, infati a setenbre 2011, California Gurls gaveva vendùo 5 002 000 copie inte i sołi Stati Unìi. Drìoman a California Gurls ze venjùo fora el sìngoło Teenage Dream, che l'è stà metesto in comersio el 23 de łujo 2010. El sìngoło ze entrà a ła vintezema pozision de ła Billboard Hot 100 co 84 000 copie vendùe inte ła so prima setemana. Teenage Dream è rimasto in vetta alla classifica per due settimane consecutive in totale e'l ze stà premià co'l cuadruplo disco de platino par aver vendùo almanco cuatro miłion de copie (a setenbre 2011 ła ghe n'avea infati za vendùe 3 922 000). Oltra che a sti do sìngołi, altri tre brani ga antisipà l'usida de Teenage Dream ad agosto 2010: Not Like the Movies, Circle the Drain ed E.T. (sto ùltemo venjarà po' estraesto come cuarto sìngoło l'ano sucesivo); un ultarior sìngoło promosionałe, Peacock, ze venjesto fora inte łe discoteche statunitensi, e 'l 26 de zunjo 2014 el brano vien sertifegà disco de platino da ła RIAA per aver razonzesto ła soja de 1 000 000 de download dizitałi.
_(cropped).jpg)
Katy ga risevùo do nomination ai MTV Video Music Award, che se ga dezvolzesto el 12 de setenbre 2010, come mejo video de cantante dona e mejo video pop co California Gurls; ła ga anca prezentà ła serimonia de premiasion par el mejo video de cantante omo co Eminem e Nicki Minaj. El 14 de setenbre ła ze tornà a ła so vecia scòła, ła Dos Pueblos High School, indove ła se ga ezibìo par i studenti. A fin de otobre 2010 ze stà publegà el terso sìngoło estrazesto da Teenage Dream, Firework, ełezesto da ła stesa Perry ła so canson prefarìa de l'àlbun. El video par el sìngoło, zirà a fin de setenbre a Budapest, in Ungarìa, ze stà direto da Dave Meyers. Ben 38 000 persone se ga prezentà ai provini par farghene parte. Firework ga razonzesto ła sìma de łe clasifeghe de Canada, Nuova Zelanda e Stati Uniti, dove è stato certificato rispettivamente settimo, doppio e sètemo disco de platino, infati inte i Stati Unìi, a disenbre 2011, Firework gaveva za vendùo 5 102 000 copie. In Italia ha raggiunto la quarta posizione e ga vendùo pì de 60 000 copie, vadanjandose el dopio disco de platino. Le vendite de Firework ze stà riłevanti anca in Australia, indove ga razonzesto ła tersa pozision: oltre 700 000, vinsendo el desimo disco de platino.
L'àlbun Teenage Dream ga procurà a Perry do nomination ai Grammy Award zvolzesti el 13 de febraro 2011: àlbun de l'ano e mejo àlbun pop; in pì, grasie al sìngoło Teenage Dream ła ze stà nominà al premio par ła mejo canson pop de cantante femenina. Pochi zorni drìoman ła serimonia, el 16 de febraro, ze venjùo fora el cuarto sìngoło estraesto dal so segondo àlbun de inediti, E.T.; de st'altro ze stà metesto in comersio un remix co'l rapper Kanye West. El video de E.T. ze stà produzesto da Floria Sigismondi un video asè partegołar, anbientà par intièro inte'l spasio.
A majo 2011 ła ga partesipà ai Billboard Music Award, vinsendo inte łe categorie mejo artista inte ła clasifega Hot 100 e mejo artista inte ła clasifega Digital Songs, vedesti i so cuatro nùmari uno in manco de un ano in entranbe łe clasifeghe. El 6 de zunjo 2011 ze stà publegà come cuìnto sìngoło Last Friday Night (T.G.I.F.) che, daspò tante setemane pasae a ła segonda pozision in ateza de suparar Party Rock Anthem dei LMFAO, ga razonzesto ła sìma de ła Billboard Hot 100, e cusì Katy Perry deventa ła prima artista femenina ad aver sincue sìngołi estraesti dal steso àlbun a ła nùmaro una de ła clasifega statunitense, segonda in zenarałe, drìoman a Michael Jackson. Ła cantante ga cusì ingrumà in totałe 19 setemane in totałe in sima de ła clasifega statunitense co i sìngołi de Teenage Dream e 25 includendo anca I Kissed a Girl, l'ùnego estrato da One of the Boys a razonzer tałe rezultado. Intrà el 29 de majo 2010, cuando California Gurls ga fato el so debuto a ła segonda pozision, e'l 17 de setenbre 2011, cuando Last Friday Night (T.G.I.F.) se trovava a ła desima pozision de ła Billboard Hot 100, Katy ła ze sénpre stà in top ten co uno dei so sincue sìngołi: ła ze partanto devenjesta l'artista co el pì łongo łaso de tenpo ininteroto pasà inte łe prime dièze pozision de ła clasifega dei sìngołi statunitense. Ad uncò ła ga vendesto pì de 3,7 miłion de copie venjendo sertifegà cuadruplo platino, za a disenbre 2011 el sìngoło gaveva vendesto 2 579 000 copie dizitałi inte i sołi Stati Unìi. Inte'l 2011 ła ga inazonta debutà inte'l mondo sinematogràfego come dopiadora del personajo de Puffetta inte'l film I Puffi.
L'àlbun Teenage Dream ze rezultà èsar el desimo pì vendesto de l'ano; jera stà sertifegà dopio disco de platino za dal 13 de otobre par aver vendesto pì de do miłion de copie. Inazonta, cuatro canson ze desconparìe inte ła clasifega anuałe de ła de ła Billboard Hot 100: Firework (nùmaro 3), E.T. (nùmaro 4), Last Friday Night (T.G.I.F.) (nùmaro 14) e Teenage Dream (nùmaro 75). MTV ła ga ełezesta l'artista de l'ano el 15 de disenbre 2011. Katy ła ze stà inazonta nominà in sete categorie ai People's Choice Award, svolzesti l'11 de zenaro 2012. Ła cantante gavarìa dovesto prezensiar a l'evento, ma do zorni prima ła gaveva postà un mesajo so Twitter che dizeva: "Purmasa no me sarà posibiłe èsar ai People's Choice Awards. A vorìa tutavia rengrasiar tuti cołori che ga votà par mi, incrozemo i dei!". Ła ga vinsesto sincue premi so i sete par i cuałi ła jera nominà, deventando l'artista pì premià inte ła serimonia del People's Choice Award de chel'ano: artista femenina e mejo video (Last Friday Night (T.G.I.F.)), mejo canson (E.T.), mejo tour, e, in canpo sinematogràfego, mejo ròło come conparsa (How I Met Your Mother). Katy Perry ła ze stà nominà ai Grammy Award del 2012 inte łe categorie sìngoło de l'anno e mejo brano pop de sołista co Firework. Inazonta, ła cantante durante ła serimonia se ga anca ezibìo.
El 13 de febraro 2012 ze stà publegà el primo inedito de ła riedision de Teenage Dream, Part of Me, che ga debutà diretamente al primo posto inte ła clasifega statunitense vendendo 411 000 copie inte ła so prima setimana. In zonta, inte'l 2012 Katy Perry ła se ga pozisionà a l'otavo posto de ła clasifega de łe sento sełebrità pì potenti del mondo stiłada da ła rivista Forbes. Ła ristanpa Teenage Dream: The Complete Confection, che include łe dòdeze trase standard più tre inediti, tre remix e un megamix, ghe ga permetesto a l'àlbun de saltar dal trentunèzemo posto al sètemo, co 33 000 copie vendùe. A Part of Me ze seguìo Wide Awake, l'òtavo e ùltemo sìngoło de Teenage Dream, che ga razonzesto ła segonda pozision de ła clasifega statunitense. El 2 de łujo 2012 A ze venjesto fora el film documentario Katy Perry: Part of Me, che parla de ła cariera de ła cantante da ła so infansia fin al dì d'ancò. Inte i Stati Unìi, el film ga vadanjà 25326071 $
mentre in tuto el resto del mondo
7400885 $
, par un totałe de 32726956 $
.
Prism e il Prismatic World Tour (2013-2015)
La rejistrasion de l'àlbun ga avesto scominsio inte i ùltemi mezi del 2012, daspò ła publegasion de ła riedision del presedente àlbun, Teenage Dream: The Complete Confection, e ła ze seità fin a l'ano sucesivo. Verso ła fin del 2012, Katy Perry, intarvistà da Billboard, ła ga dizesto de Prism: "A so ezatamete el disco che vojo far. A conoso ła gràfega, ła cołorasion e'l ton... A so, adiritura, el tipo de tour che gavarà da far dopo. A sarìa contenta asè se ła vizion che go in testa ła deventase realtà". Ła cantante ła ga po' declarà al mensiłe de moda Vogue che'l novo łaoro el gavarìa contenjesto ełementi "scuri" respeto ai so presedenti łaori. Inte'l meze de avriłe 2013, ła Perry ła ga dichiarà che l'àlbun el jera par metà conpleto e ła ło ga descrivesto come "schisofrènego". Inte'l łujo 2013, McKee ga rivełà che Perry e èła istesa i ga scrivesto cuatro brani inte ła sità nadałe de ła cantante (Santa Barbara, California) e ła ga zontà che i fuse pì "maùri" respeto ai presedenti firmà da łore istese.
Roar ze stà publegà el 10 de agosto 2013 cofà sìngoło apripista da l'àlbun e'l ga razonzesto ła prima pozision inte ła Billboard Hot 100 cusì cofà i primi dieze posti in vintisincue Stati. El sìngoło deventa cuindi l'òtavo a razonzer tałe pozision, restando in sìma par n'altra setimana consecutiva. Ła covertina de l'àlbun ła ze stà mostrà in anteprima el 6 de setenbre 2013 da ła stesa cantante mentre che ła gera ospite al programa tełevizivo Good Morning America e ła ga po' razonzesto ła cover so ła propia pàjina Facebook. Durante gli MTV Video Music Awards 2013, Katy Perry ła ga rivełà a MTV News parch ła ga seliesto Prism come tìtoło del so novo àlbun. Katy Perry ła ga definìo el so łaoro come “un intreso de cołori” e ła ga po' sotołineà de aver traversà na faze fosca ma de aver preferìo de gran łonga ła łuze a ła scurità. Da cui el nome Prism, parché el prisma ze ła figura che reflete ła łuze łasandose conpletamente traversar da cuesta par po' reproponerla a l'esterno, modifegandone ła traietoria e i cołori. Ła tracklist conpleta de l'àlbun ła ze stà, invese, rivełà el 30 de setenbre 2013. Katy Perry ła se ga ezibìo come ospite ad X-Factor Italia marti 10 de disenbre 2013 e drìoman a ła finałe de X-Factor Australia.
Dark Horse (co ła partesipasion del rapper Juicy J) e Walking on Air ze stà metesti in comersio el 17 e 30 de setenbre 2013 cofà sìngołi promosionałi da l'àlbun. El 16 de otobre 2013 A ze stà, invese, publegà el segondo sìngoło, Unconditionally. Prism ze stà publegà el 18 de otobre 2013, escluzivamente in Austria, Finlandia, Zarmània, Irlanda, Italia, Paezi Basi, Zlovachia, Zlovenia, Sudàfrega e Svisara. A ze stà invese metesto in comersio inte'l resto del mondo el 22 de otobre seguente. L'àlbun ze entrà diretamente a ła prima pozision de ła clasifega dei àlbun statunitensi vendendo 286 000 copie inte ła so prima setimana. Katy ła ze stà nominà in do categorie ai MTV Europe Music Awards 2013, vinsendo el premio come mejo artista femenina. Ła cantante ła ga anuncià che'l tour de sto terso àlbun el se sarìa ciamà Prismatic World Tour e che'l sarìa inisiaà el 7 de majo 2014 a Belfast. El 17 de disenbre 2013 A entra in rodasion radiofònega el sìngoło Dark Horse, el cui video vien publegà so VEVO el 20 de febraro 2014. Inte ła setimana sucesiva a l'ezibision ai Grammy Award, el sìngoło concuista ła sìma de ła Billboard Hot 100 deventando ła nona nùmaro uno de ła cantante otenjendo un grando suceso entrando inte ła top ten in altri 26 Paezi, intrà i cuałi Canada (nùmaro 1), Nova Zełanda (nùmaro 2), Renjo Unìo (nùmaro 4), Australia (nùmaro 5) e Italia (nùmaro 5). El 3 de avril 2014 A vien publegà el cuarto sìngoło, Birthday, conpanjà da un lyric video publegà el 10 de l'isteo meze, seità po' da un video muzegałe conponesto da tełecàmare sconte. El 17 de zunjo 2014 Katy Perry ga anuncià ła fondasion de ła so nova eticheta discogràfega, Metamorphosis Music, zontando che ła cołaborarà co Ferras Alqaisi, primo artista ad aver firmà un contrato co ła Metamorphosis, al sìngoło Legends Never Die. This Is How We Do invese vien seliesto come sìngoło inte'l łujo 2014 co rełativo video, l'ùltemo estraesto da Prism.
Inte'l febraro 2015 Katy Perry se ezibise durante l'Half Time Show del Superbowl XLIX inte'l cuało razonze el record de 121.5 miłion de tełespetadori, batendo l'audience de Madonna, Michael Jackson, Beyoncé e Bruno Mars. Inte'l zunjo de'l steso ano ła ciapa parte al videoclip del brano Bitch I'm Madonna, inte'l cuało A ghe ze ła prezensa de tante altre star del mondo de ła mùzega e del spetàcoło (cofà Chris Rock, Nicki Minaj, Diplo, Kanye West, Miley Cyrus, Beyoncé, Rita Ora e tanti altri) e che fa parte del nuovo album di Madonna, Rebel Heart. Inte'l setenbre 2015 Katy Perry otien ła só steła inte ła Hollywood Walk of Fame, che porta el nùmaro 7065: insieme a èła, durante ła serimonia vien asenjae łe stełe anca ad altre sełebrità, tra cui anca Orlando Bloom e Bruno Mars. Dal 24 de novenbre, so YouTube, A ze venjesta fora na anteprima del so novo sìngoło Every Day Is a Holiday, scrivesto par łe festività nadałisie del 2015, e che vien utiłizà par ła canpanja invernałe de ła dita H&M.
El 19 de avril 2016 ła łansa ła so łinea de makeup "Katy Kat" in cołaborasion co CoverGirl. St'altra ła ze formada da 11 roseti e 4 mascara.
Rise, Witness, il Witness: The Tour e American Idol (2016-2018)
_(cropped).jpg)
El 14 de łujo 2016, dopo do ani de siłensio artìstego, Perry pùblega el só novo sìngoło Rise, scrivesto e rejistrà come dedica ai Zoghi de ła XXXI Ołinpiade de Rio de Janeiro. El 4 de agosto A vien publegà el rełativo video.
El 7 de febraro 2017 ła anuncia el nome del primo sìngoło del novo àlbun, Chained to the Rhythm, in cołaborasion co'l rapper Skip Marley, publegà el 10 de febraro seguente, publegando inte l'isteso meze el video del brano. El brano el razonze ła Top 5 de Stati Unìi, Canada, Australia, Renjo Unìo e Fransa, vendendo conolesivamente 5 miłion de copie in tuto el mondo. El video el vien nominà inte łe categorie "Best Pop", "Best Direction" e "Best Visual Effects" ai MTV Video Music Awards 2017, indove ła cantante ła vien seliesta cofà prezentadora.
El 26 de avril 2017 ła anuncia el nome del segondo sìngoło del novo àlbun, Bon appétit, in cołaborasion co i Migos, publegà el 28 de avriłe seguente. El 12 de majo so Vevo A vien publegà el video del brano. Calche zorno drìoman Katy anuncia el nome del prosimo àlbun: Witness, in usìda el 9 de zunjo. L'àlbun el debuta in prima pozision inte ła Billboard 200 e in Canada, mentre entra inte ła top 10 de Australia, Renjo Unìo, Fransa, Zarmània ed Italia. Nel 2018 l'album ha venduto un totale di 840.000 copie.
El 18 de majo 2017 ła pùblega so'l só canałe Vevo el sìngoło Swish Swish, in cołaborasion co ła rapper Nicki Minaj. El 24 de agosto A vien publegà el video del brano. El 16 de zunjo 2017 ła cołabora co Calvin Harris al sìngoło Feels, che fa otenjer a ła cantante ła cuinta prima pozision inte ła clasifega britànega.
El 19 de setenbre 2017 a Montréal ga scominsià el tour Witness: The Tour par promovar el novo disco. L'8 de otobre 2018, daspò ła concluzion del tour, Perry ła ga anuncià de vołerse ciapar na pauza da ła só cariera muzegałe. Inte'l 2018 infati co un contrato de 25 miłion de dołari, ła entra a far parte dei zùdezi del programa American Idol.
Vari sìngołi, ła graviansa e'l sesto àlbun Smile (2019-prezente)
El 14 de febraro 2019, dopo ła pauza che ła se gaveva cipaà inte ła segonda metà de l'ano presedente, ła ga publegà in cołaborasion co'l DJ Zedd el sìngoło 365, mentre ad apriłe ła ga partesipà al remix del sìngoło Con calma de Daddy Yankee. El 31 de majo A ze venjesto fora el só novo sìngoło, dal titoło Never Really Over, come primo estrato dal só novo àlbun Smile. El zorno drìo so'l só canałe YouTube conparise el trailer del videoclip del sìngoło. El video, venjesto fora el zorno drìo, ga fato rezistra oltra 16 miłion de vizuałizasion inte łe só prime vinticuatro ore de disponibiłità, e ła canson ła ga otenjùo un discreto suceso inte łe clasìfeghe mondiałi, vadanjando serti dischi muzegałi. A zunjo ła ze aparìa inte'l video del sìngoło You Need to Calm Down de Taylor Swift, travestìa da hamburger mentre che ła abrasava ła cołega, a só volta travestìa da sacheto de patatine, senjando cusì el fenimento de łe ostiłità tra de łore. El 9 de agosto 2019 ła ga publegà un novo sìngoło, Small Talk, includesto anca inte ła Fan Edition del só novo àlbun, a'l cuało ła fa sèito, el 16 de otobre, Harleys in Hawaii, segondo estrato dal só novo àlbun Smile. El 2 de disenbre 2019 A vien publegà el videoclip de Cozy Little Christmas, canson rendesta disponibiłe za so'l finir del 2018 su Amazon Music, mentre el 5 de marso 2020 cueło del novo sìngoło Never Worn White , andove ła cantante ła anuncia de èsar gravia del conpanjo. Anca sto sìngoło el ze includesto inte ła Fan Edition del só novo àlbun.
El 7 de majo 2020 ła ga anuncià tramite Instagram l'usida del novo sìngoło Daisies par el sucesivo 15 de majo, rendendo pùblego anca che'l só novo àlbun el zera in arivo e che ła canson ła sarìa stà prezente inte ła tracklist. El 9 de łujo ła ga anuncià ła coertina, el tìtoło e el novo sìngoło de l'àlbun tramite Twitter. El 10 de łujo A ze venjesto fora el só novo sìngoło Smile, cuarto estraesto da l'àlbun, conpanjà da un video. El sucesivo 20 agosto A ze venjesto fora What Makes a Woman come sìngoło promosionałe de l'àlbun, dedegà a ła fia nasùa el 27 de agosto. El zorno drìo A ze stà publegà el sesto àlbun Smile, a cui ła ga fato seguir na serie de video, tra cui cueło de'l sucesivo sìngoło radiofònego Cry About It Later. L'àlbun el ga debutà a ła 5ª pozision de ła Billboard 200, vendendo 50 000 unidà inte ła só prima setimana in teren statunitense. El 21 de desenbre ła cantante ła ga publegà el video muzegałe de Not the End of the World, che'l vede ła partesipasion de l'atora Zooey Deschanel.
El residency show e When I'm Gone (2021-in corso)
Inte'l zenaro 2021 ła se ga ezibìo co Firework durante ła concluzion de ła serimonia de insediamento de'l 46º presidente dei Stati Unìi Joe Biden. El 14 de majo 2021 ła ga publegà, in cołaborasion co Pokémon par festejar i 25 ani de'l franchise, el sìngoło Electric. Inte'l majo 2021 ła cantante ła ga anuncià el só primo residency show a Las Vegas, da'l tìtoło Play, el cui inisio el ze previsto par el 29 de desenbre de'l steso ano, zorno inte'l cuało A ze stà publegà anca un novo sìngoło, When I'm Gone, reałizà in cołaborasion co'l DJ zvedeze Alesso.
Vita privà
Ła ze stà spozà co l'ator Russell Brand da'l 2010 al 2011. Da'l 2012 al 2014 ła ga avùo na rełasion co'l cantaudor John Mayer. Da'l 2016 al 2017 e, dopo un ano de pauza, da novo da'l 2018 ła ga na rełasion co l'ator Orlando Bloom.
El 5 de marso 2020, tramite el łanso de'l videoclip de'l brano Never Worn White, ła cantante ła annuncia ła só graviansa, rivelando successivamente di essere in attesa di una bambina. El 26 de agosto 2020 A nase ła prima fia de ła cubia, Daisy Dove Bloom.
Stiłe muzegałe e temi
El primo àlbun de ła cantante, Katy Hudson, el ze stà descrivesto da ła stesa Perry cofà "racuanto serà e rizido asé", e tuti i temi tratà i zera corełài a ła Fede cristiana. El só segondo àlbn, One of the Boys, el ze descrivesto come "profano e rock" e mostra el conpleto destaco de ła cantante da'l mondo rełijozo. Łe major influense muzegałe de Katy Perry łe provien da Alanis Morissette, Cyndi Lauper, Pat Benatar, Joan Jett, Shirley Manson e Freddie Mercury. Na canson in partegołar dei Queen, Killer Queen, ła ze cueła che ła ga spronà ła cantante a inisiar na cariera inte ła mùzega pop daspò el só àlbun de debuto. Eła ła ga inazonta definìo l'àlbun de ła Morissette Jagged Little Pill de granda influensa so ła só mùzega: A ze par 'sto motivo che ła ga sełiesto de łaorar co un cołaborador de ła cantaudora canadeze, Glen Ballard, so'l só primo àlbun.
Katy Perry no ła ze noma che cantante, ma ła ze anca autora de testi, ghitarista e pianista. Inte i primi ani de ła só cariera ła ga scrivesto racuante canson par sotoponerle a produtori muzegałi. Katy ła fa speso refarimento a spesìfeghi momenti de ła só vita inte łe só canson. Eła ła ga afermà che par eła A rezulta fàsiłe scrivar canson so roture de rełasion sentimentałe. Ła major parte de łe trase prezenti in One of the Boys ła parla de storie d'amor finìe, aventure da adołesenti e "gomitàe inte i gabineti".
Controversie
Łe só canson Ur So Gay e I Kissed a Girl łe ga vedesto rełasion negative da parte sia de asosiasion rełigioze, sia pro-LGBT. Ła prima canson ła ze stà definìa omofòbega, mentre ła segonda a favor de l'omosesuałità, nonché "da film d'exploitation lesbo". Katy ła ga cusì respondesto a łe critiche inflizeste a Ur So Gay: "No ła ze na conodasion negativa. No A ze come dir 'te si cusì gay' inte'l senso de 'te si cusì penozo', ma ła se refarise al fato che chel detarminà tozo el gavarìa podesto èsar efetivamente gay. Capiso che ciò el podarìa èsar mal capìo o cuałuncue altra cosa... no A jera drio stereotipar nesun, A zera senplisemente drio parlar de ex morozi".
Notasion
| Controło de autorità | VIAF (EN) 91213272 · ISNI (EN) 0000 0000 7371 737X · · Europeana agent/base/19634 · LCCN (EN) no2005065408 · GND (DE) 13595598X · BNF (FR) cb157981542 (data) · BNE (ES) XX5323286 (data) · NLA (EN) 57437293 · NDL (EN, JA) 001102154 · WorldCat Identities (EN) no2005-065408 |
|---|
This article uses material from the Wikipedia Vèneto article Katy Perry, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.