Socetà Thule

(VEC)
«Ricòrdate che ti ze un todesco. Tiente saldo el to sangue s-ceto!»

(DE)
«Gedenke, dass Du ein Deutscher bist. Halte dein Blut rein!»

— Bomò de ła società Thule

La Socetà Thule (Thule-Gesellschaft in todesco) ła ze sta un'organizasion rasista, fortemente antisemita e popułista (völkisch), creada inte el 1910 da Felix Nieder. A ła cascada de ła monarchia todesca, inte el 18 de agosto del 1918, ła vegnea trasferia a Monaco de Baviera su inisiativa de Rudolf Glauer. Par Hans Thomas Hakl, al nasimento de ła Società, el contegnuo ezotèrego e ocultìstego el zera cuazi asente. Ła zera sta cusita ciamada dal nome de ła lejendària ìzoła de Thule descrivesta da l'esploratore grego Pitea, considerada da łe popołasion todesche ła so mìtega tera de orìzene e dal poeta roman Virgilio inte Le Georgiche ("L'ùltema Thule" co ła cuała el denòmena ła fine del mondo conosesto). Inte l'àpeze del so bon èzito, inte el 1919, ła contava manco de 2000 iscrivesti.

Socetà Thule

Epònemo	Thule (it)
Dati
Sorte
Ideołozìa pułìtega
Istoria
Creasion	agosto 1UTC 1918 , Monaco de Baviera
Fondador	Rudolf von Sebottendorff (it)
Desołusion	1930
Governo d'impresa

La Socetà ła zera nasesta cofà forsa pułìtega anti-revołusionària col fine de conbàtare, sia ła Revołusion de novenbre del 1918-1919, che el Stato lìbaro de Baviera, proclamà da Kurt Eisner inte el 7 de novenbre del 1918 a Monaco, e oncor pì, ła sevente Repùblega bavareze dei Conseji, nasesta dopo del sasìnio de Kurt Eisner. Co che sta Socetà ła zera stada schiciada inte el sàngue da l'ezèrsito goernativo anti-revołusionàrio sostegnesto dai Freikorps, organizasion paramiłitari de drita, se ghea perdesto totalmente ła so razon d'èsar, tanto che inte el 1925 ła zera stada desolvesta. Inte i ùltemi ani Società Thule ła ga fazesto emersion inte el contesto de łe fiction e de łe teorie conplotìsteghe.