Sede Vacante

Quando un vescovo xe sposta' da na diocese a n'altra no ghe sede vacante parche' el Vatican el manda n'altro vescovo o nomina n'Aministrator Apostolico. Le regole che garantise el funzionamento de na sede vacante le se cata inte el Codego de Dirito Canonego (numari 416-430). El caso piasè importante de sede vacante l’e’ quelo de la diocesi de Roma. Par definision, el vescovo de Roma l’e’ anca el Papa, e el cao de tuta la Ceza Catòłica. Quando el Papa el more, el cardinal Camerlengo ga da verificar la morte a la presenza de tri altri prelati. El ga da far cosi’: El bate la testa del Papa con un martel de argento e ciamandolo par nome par tre olte. El sera le porte de la camara del Papa e le sigila con un toco de teracota. El ordena che la porta del Palazo Apostolico (doe che el Papa el vive) la sia sera’ a meta’. El ordena che la campana de la Ceza de San Marco la bata a morto, e dopo de quela, tute le Ceze de Roma le sona el luto.

Dopo che el ga fato sti pasi, el colegio de i cardinali se riunixe e elege tre de lori par mandar avanti l’aministrasion de la Ceza finche’ ghe un novo Papa. Dopo tre setimane da la morte, tuti i cardinali de manco de otanta ani se riunixe par elegere el novo Papa. Quando questo l’e’ incorona’ la sede vacante la finise.

Inte el caso de na diocesi, a la morte del vescovo, tuti i preti con un servisio particolare (vicario generale, aministrator, e altri) i ga da dare le dimixioni. El novo vescovo pol ciamrli n’antra volta ma nol l’e’ mia tegnu’ a riconfermar i veci aministratori.