El termine divinità el ga difarenti impieghi inte el canpo e inte ło studio de łe credense rełijoxe.
Na divinità, o esare divin, ła xe na entità co carateristiche divine. Quando el termine el vien doparà par riferirse a on singoło esare supremo, el ciapa l'articoło determinativo e ła maiuscoła: ła Divinità. Anca se el termine «divinità» el vien talvolta doparà semplicemente cofà sinonimo de dio, el vien doparà anca par indicare tipi de entità de łe rełijon non-abramitiche che łe casca tra ła sołita nosion de «dio» e queła de «santo». Par exempio, a ghe xe de łe corenti del budhismo che łe prevede ła venerasion de esari che no i xe umani, e che i ga on status soranaturałe e na inportansa rełijoxa, ma che no i casca naturalmente soto el conceto de dio.
Similarmente, alcune società łe ga considerà i so governanti umani come divinità (ojeto de venerasion, e co on status sorauman), ma i ga atentamente distinti dai dèi e dèe del so pantheon rełijoxo.
Ła divinità ła xe anca ła natura de on dio, o ło status de l'esare na tałe entità. Par questo a ghe xe tanto dibatito inte ła teołogia cristiana sirca ła divinità de Gesù — ła so natura e ła rełasion co ła divinità de ła trinità. In alcune teorie rełigioxe, in particołare quełe asocià al panteismo e al pensiero New Age, tuti i esari umani i ga na divinità, che ła deve esare tirà fora tramite meditasion, studio, uso de droghe, conportamento coreto, ecc.
Controło de autorità | GND (DE) 4596724-6 |
---|
This article uses material from the Wikipedia Vèneto article Divinità, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.