La chiropràtega (dal grego chéir, man e drási, asion), o chiroterapia, ła ze na pràtega che ła declara de ver el fin del mantegnimento e el restabiłimento de ła sałute de l'omo, pasando da ła diàgnoze, el tratamento e ła prevension de łe so deficense funsionałi.
Chiropràtega | |
Fondador | Daniel David Palmer |
---|---|
MeSH | D002684 |
Ła se baza sul presuposto, sientifegamente no dimostrà, che el sistema nervozo el contròłee tuti chełi altri sistemi del corpo uman e che łe desfunsion de ła meoła spinałe łe posa interferir co l'inasesta capasità del corpo de guarir da soło ("intełijensa inasesta"). La chiropràtega ła enfatiza ła manipołasion (includesta ła manipołasion spinałe) e ła include un'òpara de consułensa sui "stiłi de vita".
La chiropràtega ła entra inte l'àlveo de łe medezine alternative benché sta definision ła vegna contestada da tanti chiropràteghi.
Na revizion sistèmatega dei studi fati su ła chiropràtega ła ga conclondesto che no ghe ze prova che ła sìpia eficase inte ła cura de un calsìase desturbo a parte ła pusibiłità che ła posa ver un calche benefiso inte el tratamento del mal de schina.
El tèrmano chiropràtega ła ze referio al stùdio, a ła diàgnoze, a ła cura e a ła prevension dei desturbi muscołoschełètreghi e dei so efeti sul stato zenerałe de sałute dei umani e dei animałi vertebrai.
La figura del chiropràtego ła zera stada creada inte el 1895 da Daniel David Palmer: ativo cofà spiritista, el ga afermà de gaver "recepio ła chiropràtega da l'altro mondo" dal spìrito de un mèdego morto ciamà James Atkinson.
Palmer el ghea considarà de gaver notà che, cavando ła càuza de un'iritasion de un nervo par via de un particułar tipo de manipołasion de ła cołona vertebrałe, el ghea alivià el sìntomo de ła sordità in uno dei so pasienti. El fondatore de sevente el ghea definio ła chiropràtega "Arte, Siensa e Fiłozofia".
Bartlett Joshua Palmer el zera ndà vanti su ła strada de so pare Daniel, desviłupando ła chiropràtega in confronto a łe conosense de l'època. El ghea fondà ła prima scoła de chiropràtega arente de Chicago inte el 1902.
Controło de autorità | LCCN (EN) sh99005017 · GND (DE) 4037417-8 · BNF (FR) cb119678558 (data) · NDL (EN, JA) 00995915 |
---|
This article uses material from the Wikipedia Vèneto article Chiropràtega, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.