Łe òpare de defeza venesiane intrà XVI e XVII sècoło: Stato da Tera-Stato da Mar ocidentałe łe ze un sito seriałe tranznasionałe insarìo da l'UNESCO inte ła łista de'l Patrimonio Mondiałe el 9 łujo 2017.
Ła serie ła conprende sìe łocałità ndove che ghe ze łe òpare de defeza de ła Repùblega de Venesia, conprendendo beni che i se cata da ła Łonbardia fin a łe coste orientałe de'l Mar Adriàtego.
Łe fortifegasion łe zera sorzeste inte'l Stato da Tera par protézer ła Repùblega de Venesia da łe altre potense europee a nord-ovest, mentre cuełe de'l Stato da Mar par protézer łe vie marìteme e i porti de'l mar Adriàtego da łe incursion provenjienti da'l Łevante. Tute 'ste òpare łe zera nesesarie par sostenjir el comersio e l'autorità de ła Serenisima.
L'introdusion de ła pólvare da zbaro ła ga portà a inportanti canbiaminti inte l'architetura e inte łe tècneghe miłitare, che łe se reflete inte ła prozetasion de moderne fortifegasion.
El sentro stòrego e łe fortifegasion de Cataro łe ze altresì incluze inte l'altro sito Unesco denominà Rejon naturałe e stòrego-culturałe de łe Boche de Cataro.
Nùmaro | Paeze | Sudivizion | Comune | Sito | Area (ha) | Coordenàe | Imàjine |
---|---|---|---|---|---|---|---|
1533-001 | Itàłia | Łonbardia | Bergamo | Sità fortifegada de Bergamo | bene: 119,61 zona cuscinetto: 446,07 | ||
1533-002 | Itàłia | Veneto | Peschiera de'l Garda | Sità fortifegada de Peschiera de'l Garda | bene: 36,67 zona cuscinetto: 143,85 | ||
1533-003 | Itàłia | Friuli-Venezia Giulia | Palmanova | Sità-fortesa de Palmanova | bene: 193,73 zona cuscinetto: 296,27 | ||
1533-004 | Croàsia | Rejon zaratina | Zara | Sistema defensivo de Zara | bene: 11,19 zona cuscinetto: 240,45 | ||
1533-005 | Croàsia | Rejon de Sebenico e Tenin | Sebenico | Fortesa de San Nicolò | bene: 0,85 zona cuscinetto: 523,79 | ||
1533-006 | Montenégro | Cattaro | Cattaro | Sità fortifegada de Cataro | bene: 16,32 zona cuscinetto: 99,19 |
This article uses material from the Wikipedia Vèneto article Òpare de defeza venesiane intrà XVI e XVII sècoło: Stato da Tera-Stato da Mar ocidentałe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.