Ìndaze De Paze Globałe

La lista ła ze sta publegada par ła prima volta inte el majo 2007 e de sevente ogni majo o zugno drioman. Se consìdara che el sìpia el primo stùdio de clasifegasion de stati a zudìsio dei rełativi tasi de pasìfisità.

El stùdio clasìfega 162 stati. I fatori anałizai dai autori i include fatori interni, cofà i livełi de viołensa e crìmeni inte el stato e fatori rełasionai co łe rełasion estere, cofà ła speza miłitare.

El grupo de reserca el ga mezurà el taso de pasifisità bazàndose su na gama de indicatori, 22 in tut (orìzenariamente 24, ma uno el ze sta escludesto inte el 2008 e che l'altro inte el 2013).

Indicatori che no i ze senpre clasificai in na scała da 1 a 5, i ze stai convertii doparando ła sevente fòrmuła: ${\displaystyle {\bar {x}}={\frac {x-\min x}{\max x-\min x}}}$  andove ${\displaystyle \max x}$  e ${\displaystyle \min x}$  i ze i vałori pì alti e pì basi par cueł'indicator dei stati clasificai inte l'ìndaze. El puntejo da 0 a 1 che el ze rezultà el ze sta dopo convertio inte na scała da 1 a 5. Indicatori individuałi i ze dopo stai pezai secondo el zudìsio de inportansa da un grupo de reserca. El puntejo el ze sta prezentà in du ìndazi secondari mezurai: paze interna, mezurada al 60% de un puntejo finałe del stato, e paze esterna, mezurada al 40% de un puntejo finałe del stato.