Па́ул де Ле́у (нидерланд сямен Paul de Leeuw) - Нидерландысь комик, юморист, кырӟась но актёр.
Вордскемын 1962 аре 26 мартэ Эйселмондеын (та - Роттердам карлэн люкетэз, соин ӵемысь гожъяло, со Роттердамын вордскемын, пе).
Паул де Леу тодмо луиз XX даурысь тямыстонэтӥ аръёслэн пумазы - укмыстонэтӥ аръёслэн кутсконазы телевидениысь комик луыса ужакуз. VARA телекомпаниын шоузэ нуыкуз, со ӵемысь серем карылӥз нидерланд шоу-бизнес удысын ужась адямиосты, таин уката тодмо луиз калык пӧлын.
Со сяна, кырӟась луыса но Паул де Леу туж дано. Сое яратӥсьёс но, яратӥсьтэмъёс но соглаш луо, талантэз туж бадӟым шуыса. Де Леулэн кырӟамез туж лирической, эмоциосын пачылмемын, куараезлэн тембрез но аспӧртэмлыко.
Де Леу кырӟась но комик гинэ ӧвӧл, со киноактёр но.
Де Леу аслэсьтыз гомосексуал луэмзэ уг ваты. Партнёрез - Стефан Нюхтер (нидерл. Stephan Nugter), соослэн кык вордос пиоссы - Кас но Тоби.
This article uses material from the Wikipedia Удмурт кыл article Паул де Леу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.