Иван Котельников — ӝужась удмурт кизили.
Вордӥськиз 14-тӥ коньывуонэ 1988 арын Дэбес ёросысь Уйвай гуртын. Вить арескысен кырӟаны кутскиз, соку ик арганэн шудыны мылкыдыз ӝутскиз. Быгатонлыксэ адӟыса, анаез 4-тӥ классын дышетскыкуз, сётӥз Ваняез Дэбесысь крезьгуръя школае. Куать ар ӵоже тодон-валан басьтӥз, дышетскиз отын. Берло пыриз Ижкарысь крезьгуръя колледже. Али дышетске Пермьысь искусствоосъя но лулчеберетъя академиын художественно-педагогической факультетын калык хор ёзэтын. Шудэ баянэн, арганэн, фортепианоен, балалайкаен, домраен, гитараен, саксофонэн, аккордеонэн. Пыриське пӧртэм ансамбльёсы.
Удмуртиын улыкуз ай кылдытӥз вал «КПП» группа (Котельников Иван, Перевощиков Дмитрий, Пономарёв Вячеслав), берло нимзэ воштӥзы «КПП+», малы ке шуоно группаязы пыриськиз на Дима Галичанин. Группа кылзӥсьлы туж яраз, но пиос али кин кытчы кошкемын, ӵошен гужем гинэ люкасько на.
Али Ванялэн кутскиз сольной каръераез. Кырӟанъёсызлы кылъёс, гур но минусовка со ачиз лэсьтэ. Солэн кырӟанъёсыз сюлме ик пыро. Тодмо луизы Чебер нылаше Ой малы меда, Ортчем Яратон кырӟанъёсыз.
2013-тӥ арын «Кык кизили» крезьгуро вожвылъяськонын Анна Плотниковаен ӵош вормисе потӥзы. Калык яратэ Ванялэсь кырӟанъёссэ, котькуд удмурт позыръяськонын, кырӟанэз шудыку, шумпотыса эктэ.
Со статья пумозяз вуттэмын ӧвӧл на. Тӥ быгатӥськоды сое тупатыны оло нош татчы мар ке выльзэ ватсаны. |
This article uses material from the Wikipedia Удмурт кыл article Котельников, Иван, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.