Наталья Владимировна Кондратьева — филологи наукаосъя доктор, профессор, удмурт кылчи, Удмурт кун университетысь удмурт кылосбуръя факультетлэн деканэз.
Наталья Владимировна Кондратьева | |
---|---|
Ужан удысэз: | кылчи |
Вордӥськем нуналыз: | 29-тӥ инвожое 1976 (47 арес) |
Вордӥськем интыез: | Пичи Пурга черкогурт, Пичи Пурга ёрос, УАССР, РСФСР, СССР |
Кун: |
Вордскиз 29-тӥ июне 1976-тӥ арын Пичи Пурга черкогуртын. Школаез йылпумъямез бере (1993-тӥ арын), Удмурт кун университетысь удмурт кылосбуръя факультетэ, удмурт-немец отделение дышетскыны пыриз. Дышетскон дыръяз пыриськылӥз пӧртэм научной конференциосы: межвузовской, республиканской, международной, студенческой. Дышетскыкуз ик ужаз Ижкарысь 56-тӥ номеро школа-гимназиын дышетӥсь луыса.
Университетэз йылпумъямез бере, 1998-тӥ арын, Наталья Владимировнаез ысто Турку университетэ (Финляндие) стажировкае. 1999-тӥ арын Удмурт кун университетэ «Россия Федерациысь калыкъёслэн кылъёссы (финн-угор но самоди кылъёс)» специальностья аспирантурае пыре. 2002-тӥ арын В. К. Кельмаковлэн кивалтэмез улсын «Выражение прямого объекта в удмуртском языке» темая гожтэм кандидат диссертацизэ уте.
2000-тӥ арысен ужа кылосбуръя но финн-угор кылтодонъя кафедраын. Финн кыллэн грамматикаезъя теоритической курсэз нуэ, удмурт кылэз дышетон историез но финн-угор кылтодонэ пыртон лекциосты лыдӟе. Квалификациязэ будэтон понна трос пол ветлылӥз стажировкае Венгрие но Финляндие (Хельсинки, Турку университетъёсы).
Наталья Владимировна 70 печатлам научной ужъёслэн авторзы луэ.
This article uses material from the Wikipedia Удмурт кыл article Кондратьева, Наталья Владимировна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.