Ижысь телестудилэн нырысетӥ передачаез эфире потӥз 4-тӥ ноябре 1956-тӥ арын.
Соку ик кутскиз Ижысь телестудилы юрт ӝутон. 1957-тӥ арын июне татын телевидение рос-прос ужаны ӧдъяз. Соку арняяз куинь пол учкисьёс доры вуылӥзы передачаос. Арня ӵоже - 289 час. 1958-тӥ арын вещание будӥз 690 часозь. 1962-тӥ арын Ижын ужан амалъёссэс выльдӥзы, Москваысь телевиденилэсь передачаоссэ учкыны быгатӥзы ни.
1980-тӥ арын Ижын усьтэмын выль телецентр. Соку передачаос потыны кутскизы чибориё суредэн.
1990-ти аръёсы паськыт азинскиз телевиденилэн анай кылын программаосыз. Соку эфире потыны кутскиз но учкисьлы туж яраз иворъёсын «Шаер» программа. Сое кылдытӥсьёс пӧлысь огез - журналист Евгений Михайлов.
1992-тӥ арын потаны кутскизы фин-угор дуннелы сӥзем «Финно-угорский мир» передачаос. Табере фин-угор улосъёсысь телеканалъёс ортчытъяло асьсэлэсь огъя фестивальёссэс.
Огвакытэ ГТРК-Удмуртия кык каналын ужаз. Соку вещанилы сётэм дырыз но тырмыт вал. Кылдӥзы тросгес удмурт передачаос. «Кылсярысь», «Такъян», «Мылысь-кыдысь», «Рос-прос».
Туннэ телевидениысь анай кылын передачаос понна кыл кутэ Владимир Алашеев, нуналаз куинь пол луэ удмурт иворъёсын программа. Жаляса верано луэ, ваньмыз соос эфире пото ӵукна но нуназе бере, ӝытлы чаклам передачаос ӧвӧл.
Туннэ удмурт передачаос но иворъёс кылдытон бордын ужало Валерий Сидоров, Анна Федотова, Татьяна Денисова, Татьяна Степанова.
Ӟуч учкисьёслы туннэ мынэ «Доброе утро» ӵукна передача, иворъёсын «Вести-Удмуртия» программа. Али калык мыло-кыдо учке «Календарь садовода», «ЛАДА-новости» передачаосты.
This article uses material from the Wikipedia Удмурт кыл article ГТРК «Удмуртия» (телевидение), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.