Вотка

Луэ элькун статусъем кар, соин ик ёрослэн составаз уг пыры.

Кар
Вотка
Флаг Герб
HGЯO
Кун	Россия
Историез но географиез
Кылдэм дырыз	1759
Площадез	112,18 км²
Шоринтылэн ӝуждалаез	108 метр
Улӥсез
Улӥсез	▼97 550 чел. (1-тӥ толшоре 2018)
Плотностез	874,79 чел./км²
Лыдпусо тодметъёс
Телефон кодэз	+7 34145
Почта интыпусэз	427430–427459
Шаблон:URL
Вотка
Медиафайлы на Викискладе

Вотка карлэн кылдэмез герӟаськемын ӟуч императрицаен Елизавета Петровнаен. 1757-тӥ арын со поттӥз Указ: Вотка шур дурын ӝутоно корт ӵыжатонъя завод. Лэсьтӥськонъя кыл кутӥсе юнматӥзы граф П. Шуваловез. Озьы 21-тӥ сентябре 1759-тӥ арын завод гижысь-пиньысь ужзэ мытӥз. Нырысетӥ нуналаз ик быдэсъяны кутскиз кун ласянь тужгес кулэ луись заказъёсты. Заводын макем огсыр ужъёс мынӥзы, сокем ӝог паськытаз та инты.

1831-тӥ арын заводлэн администрациез кивалтӥсьёслэсь куриз: Вотка заводэз но со котырез город нимано. Но воткаослэсь малпанзэс умоен ӧз лыдъялэ — быдэс даур ӵоже та интыез Вотка завод ик шуылӥзы на.

20-тӥ августэ 1935-тӥ арын Вотка черкогуртэз каризы город. Со пыриз Киров улос исполкомлэн Вотка горсоветаз. 22-тӥ октябре 1937-тӥ арын сое юнматӥзы Удмурт АССР-е.

Вотка кар — Вотка ёрослэн шорсюлмыз. Ижен виссы — 62 километр, Мускоен — 1 сюрс 191 километр. Городлэн огъя площадез 112,18 квадратной километр.

Город сылэ Вотка тымет дурын. Тымет кылдӥз, Идӟи, Берёзовка но Шаркан шуръёсты огазеяса. Туннэ тыметлэн быдӟалаез 18 квадратной километр, Удмуртиысь тужгес бадӟымез луэ.

 

Кар люкиське укмыс улоно ёрослы:

• Берёзовка
• Центральной
• Восточной
• Привокзальной
• Плодопитомник
• Заречной
• Южной
• Сельхозхимия
• Вогулка

2009-тӥ арын лыдъян-чотанэз эскероно ке, Воткинскын 96 сюрс 936 улӥсез. Со пӧлысь ужась калык — 60 сюрс 990. Отын уло ӟучъёс — 78,7 %, удмуртъёс — 8,5 %, бигеръёс — 3,2 %.

Кар йыръёс:

• 1994—2002 — Валерий Леонидович Фридрих;
• 2005—2010 — Александр Владимирович Кузнецов;
• 2010—2011 — Владимир Григорьевич Ушатиков;
• 2012—2018 — Владимир Михайлович Перевозчиков;
• 2018 арысен — Алексей Владимирович Заметаев.

Вотка кар аспӧртэмлыко интыын сылэ — Ижез герӟа Шаркан, Дэбес ёросъёсын, Удмурт Республикаез — Пермь улосэн. Та городэтӥ ик ортче Пермь — Кузон — Нижний Новгород газопровод. Ваньмыз-ӧвӧлэз 980 предприятиез вань, отын тырше 42 сюрслэсь трос адями. Татын пӧртэм удысъёс азинско ке но (сиён-юон поттонъя промышленность — 9,8 %, лэсьтӥськонын кутӥськись материалъёсты дасянъя промышленность — 0,8 %) валтӥсь интыын — машина поттон, корт ӵыжатон (85 %). Вотка завод городлэн экономикаяз бадӟым инты басьтэ.

Валтӥсьёс статьяос: Воткаысь автобус, Воткинск станция

Городын ужа 14 автобус маршрут. Карлэн шораз автовокзал сылэ, отысь автобусъёс бускель каръёсы но черкогуртъёсы нуналлы быдэ ветлыло. Воткалэн лымшор палаз Кузон вокзал вань — Ижысь шунды ӝужан пала мынӥсь чугун сюреслэн пумысь станциез.

• «Мой город» нимо калык энциклопеди: Воткинск (ӟуч)