Колесникова, Васса Кирилловна Виноградова
Васса Кирилловна Виноградова (Колесникова) — удмурт актриса, УАССР-ысь дано артистка (1940), УАССР-ысь калык артистка (1952) — вордӥськиз 8-тӥ августэ 1909-тӥ арын Алнаш ёросысь Удмурт Гондыр гуртын.
| Васса Кирилловна Виноградова | |
|---|---|
| Вордӥськыкуз сётэм нымыз: | Васса Кирилловна Колесникова |
| Ужан удысэз: | актриса |
| Вордӥськем нуналыз: | 20-тӥ гудырикошконэ 1909 |
| Вордӥськем интыез: | Удмурт Гондыр гурт, Алабго утем, Ватка губерния |
| Кун: | |
| Кулон нуналыз: | 21-тӥ куарусёнэ 1992 (83 арес) |
| Кулон интыез: | Ижкар, Удмуртия |
1927-тӥ арын Алнашысь улыны выжиз Ижкарее. Ужаны интыяськиз Ижысь машиностроительной заводэ. Шутэтскон вакытаз вуттӥськылӥз Удмурт клубын шудыны-вераны. Огаз концертын солэн жингрес куараезлы синмаськизы драматургъёс К. А. Ложкин но И. Г. Гаврилов. Егит нылашез ас доразы — Удмурт театре — ужаны ӧтизы.
Аспӧртэмлыко быгатонлыкезлы луыса, Васса Кирилловналэн театр удысъя нимысьтыз дышетскемез ӧй вал ке но, соку ик учкисьлэсь сюлэмзэ ас палаз берыктӥз, рольёссэ туж вольыт быдэсъяз. Виноградовалэн валтӥсь рольёсыз: Жага («Кезьыт ошмес»), Наталь («Зӥбет зурка»), Чабъя («Камит Усманов»), Васса Железнова (М. Горькийлэн пьесаез), Туливить («Сюан»), Юбера («Аннок»), Дукъя («Вуж Мултан»), Зоя Кабышева («Вуж юрт»).
Васса Кирилловна, спектакльёсын шудэм сяна, К. К. Гаврилова актрисаен ӵош кырӟалляз-вералляз но. 1958-тӥ арын пусъемын «Знак почёта» орденэн но медальёсын.
This article uses material from the Wikipedia Удмурт кыл article Виноградова (Колесникова), Васса Кирилловна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.