Улын Сыръезь (Кечгурт) — Удмуртиысь Алнаш ёросысь гурт, Писэйгурт муниципал кылдытэтэ пыре.
Алнаш черкогуртлэсь 13 иськемын интыяське, 73 иськемын Ижевсклэсь. Ӵожи шурлэн бур ярдураз сылэ.
Гурт | |
Улын Сыръезь | |
---|---|
Кун | Россия |
Историез но географиез | |
Лыдпусо тодметъёс | |
Телефон кодэз | +7 34150 |
Почта интыпусэз | 427892 |
|
2008-тӥ арын 1-тӥ толшорлы даннойёсъя, отын улӥсьёслэн лыдзы — 495 мурт.
Гуртын вань шор ёзо школаез. 2008-тӥ арлы даннойёсъя, отын 150 дышетскисез.
1859-тӥ арын ортчытэм дасэтӥ ревизилэн йылпумъянъёсызъя, Ватка губерниысь Елабуга уездысь Сирьез Нижний гуртын 57 юртъерын 173 пиос (воргоронъёс) но 138 нылъёс (кышномуртъёс) лыдъяськизы, 2 вукоос ужазы. 1861-тӥ арын Бадӟым Кибъя черкогуртын Покров черк усьтӥзы, выль приходэ кӧня ке гуртъёс сётэмын вал, соос пӧлы пыриз Улын Cыръезь гурт но.
1921-тӥ арын, Вотяк автономи область кылдэм бере, гурт Можга уездэ выжтэмын вал. 1924-тӥ арын, сельсоветъёсты бадӟыматон вакытэ, со пыриз Бадӟым Кибъя волостьысь Писэйгурт сельсоветэ. 1929-тӥ арын уездъёсыз но волостьёсыз быдтӥзы, гурт Алнаш ёросэ пыриз. 1930-тӥ арын Улын Сыръезьын «Батыр» сельхозартель усьтӥськиз.
1937-тӥ арын Пычас ёрос кылдӥз, Писэйгурт сельсоветэз отчы сётӥзы. 1949-тӥ арын гуртэз выжтӥзы Ивановской сельсоветэ, нош 1954-тӥ арын, со сельсовет бырем бере, гурт берытскиз Писэйгурт сельсоветэ. 1951-тӥ арын сельхозартельёсты бадӟыматӥзы, соин матысь гуртъёсысь колхозъёс огазеямын вал, нимзы луиз «[ имени Ильича]». 1956-тӥ арын Пычас ёрос быдтэмын вал, Писэйгурт сельсовет берытскиз Алнаш ёросэ.
2004-тӥ арын 16-тӥ ноябре Писэйгурт сельсовет луиз Писэйгурт муниципал кылдытэт.
This article uses material from the Wikipedia Удмурт кыл article Улын Сыръезь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.