Балезино
Балезино — Удмуртиын кар типъем посёлок, Балезино ёрослэн административной центрез.
Интыяськемын Удмуртилэн уйпалаз — Чупчи шурлэн паллян ярдураз. Балезиноысен Ижозь — 150 километр, Глазозь — 30 километр. Сое сурано ӧвӧл та ёросысь ик Балезино черкогуртэн.
| Черкогурт | |
| Балезино | |
|---|---|
 | |
| HGЯO | |
| Кун |  Россия |
| Федераци Асмос | Удмуртия |
| Муниципал ёрос | Балезино |
| Гурт поселени | Кожильское |
| Историез но географиез | |
| Кылдэм дырыз | 1897 |
| Шоринтылэн ӝуждалаез | 154 метр |
| Часовой пояс | UTC+4:00 |
| Улӥсез | |
| Улӥсез |
|
| Лыдпусо тодметъёс | |
| Телефон кодэз | +7 34166 |
| Почта интыпусэз | 427550 |
| Код ОКАТО | 94204806001 |
| Код ОКТМО | 94604475101 |
| balezino.udmurt.ru | |
| | |
 Медиафайлы на Викискладе | |
.svg)
Историез
Нырысьсэ Балезино сярысь кылпум потӥз 1586-тӥ арын ӟуч переписной книгаын.
1746-тӥ арын Балезиноын Петропавловской черк пуктӥзы.
1796-тӥ арысен Балезино пыриз Вятской губернилэн Глазовской уездаз.
1897-тӥ арын та интыостӥ Транссибирской чугун сюрес валён кутскиз. Озьы черкогурт кылдӥз.
1901-тӥ арын Балезино пыр ӝутыны ӧдъязы Ватка-Пермь чугун сюресэз. Талы луыса черкогурт бадӟымаз-паськытаз.
1929-тӥ арын черкогурт Балезино ёрослэн шорсюлмыз луиз.
26-тӥ октябре 1938-тӥ арын Балезино городлы укшась посёлоклы пӧрмиз.
Ним кылдон
Черкогуртлы Балезино ним сётэм пумысен кык мадёс вань.
Нырысетӥез: 1586-тӥ арын эксэй Фёдор Иоаннович вынъёслы Даниил но Елизар Балезинъёслы ӟеч ужамзы понна Чупчи шур дурысь музъем кузьмам.
Кыкетӥез: «Балезино» кыл потэмын ыж но син кылъёс бордысь. Ыжлэн синъёсыз — озьы шуылӥзы татын улӥсьёс ошмес синэз.
Улӥсьёс
Улӥсез 16 сюрс котыр. Пӧлазы вань пӧртэм выжыысь калыкъёс: удмуртъёс — 52,6%, ӟучъёс — 28,2%, бигеръёс — 13,1%, музон калыкъёс — 6,1%.
Экономика но социальной удыс
Промышленность удыс татын рос-прос азинскиз. Туннэ тыро-пыдо ужало: механикая завод, техникаез тупатонъя предприятие, лэсьтӥськон удыслы чаклам материалъёс дасянъя завод, типография, етӥн сэстонъя завод, вӧй шукконъя завод, нянь пыжонъя но колбаса пӧранъя комбинат, куинь банк.
Балезиноын вань 5 школазы, 48 номеро ПТУ-зы, кинотеатрзы, нылпи юртсы, библиотеказы, шаертодонъя музейзы. Черкогуртын йӧн-йӧн сыло историысь 5 памятникъёс.
Транспорт
Балезино станция - Удмуртиысь бадӟым чугун сюрес герд.
This article uses material from the Wikipedia Удмурт кыл article Балезино, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Пушкесэз CC BY-SA 4.0 лицензияя кутымон луэ (мукетыз возьматэмын ӧвӧл ке). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Удмурт кыл (DUHOCTRUNGQUOC.VN) is an independent company and has no affiliation with Wiki Foundation.