Катарина Стопиа (швед.
Catharina Stopia; 2 апрель 1657 соонда чок болган) ― Швецияда бир дугаар херээжен элчин. Россияда Швецияның 1632―1634 чылдарда элчини.
Катарина Стопиа | |
---|---|
Мөчээн хүнү | эрте эвес 1657 |
Чурт | |
Ашаа азы кадайы | Johan Möller[d] |
1620 чылда ол Юхан Мёллер-биле өг-бүле тудуп кады чурттай бергеннер. Юхан Мёллер 1630 чылда Россияда Швецияның элчини кылдыр томуйлаттынган турган. Стопиа (ол үеде Швецияга колдуу алган ашааның фамилиязын шоолуг эдилевес чаңчыл дыка нептергей турганы-биле ол өөнүң ээзиниң Мёллер деп фамилиязын албаан болуп турар) ынчан 10 чыл кады чурттапкан өөнүң ээзи-биле Москвага чурттап чедип келген турган.
Юхан Мёллер 1632 чылда чок апаарга, Катарина Стопиа чок болган өөнүң ээзиниң орнунга Швецияның Россияда элчин черин удуртур ажылды чуртундан келген айтыышкыннар аайы-биле уламчылаан. Ооң ажылдап турар үезинде Швеция биле Россияның аразында адыг-саарылгага хамаарышкан хамаарылгалар сайзырап, калбарып келгенин төөгү шинчилекчилери демдеглеп турар. Ынчала-даа кезек уе эрткенде аңаа Россияда элчин черинге ажылдаары дыка берге апарган. Бир-ле хүн Москвада Швецияның элчин черинче улус халдааш, ону өртеткен турган. 1634 чылда ол Россиядан Швецияже көжүп чоруур ужурга таварышкан.
1637 чыл үезинде ол ийи дугаар подполковник Кристоффер Ягов-биле өг-бүле туткан. Төөгү документилеринде Катарина Стопиа дугайында 1657 чылдың апрель 2-де дыңналып турар.
This article uses material from the Wikipedia Тыва article Стопиа, Катарина, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.