Майык:Кинематографист Бедиа Муваххит (төрүттүнүп келгенде ады Эмине Бедиа Шекип) (16 январь 1897 — 20 январь 1994) — турк актриса.
Мусульман херээжен актрисалар аразында бир дугаар деп санаттынып турар.
1897 чылдын январь 16-да прокурор Шекип-бей база ооң өөнүң ишти Рефики-ханымның өг-бүлезинге Кадыкёй деп Стамбулдуң бир районунга төрүттүнген. Эгеки эртемин Бююкада деп ортулукта Ыдык Антуан аттыг школага чедип алган. Школа соонда Стамбулда Нотр-Дам-де-Сион деп француз лицейже кирип алган. Турк болгаш француз дылдардан өске Бедиа грек дылды база эки билир турган.
1914 чылда күрүнениң телефон компаниязынче телефонист кылдыр ажылдап кирип алган. 1921 чылдан Эренкөй деп уруглар школазынче француз дыл башкызы кылдыр ажылдай берген. База ол-ла үеде актёр Ахмет Рефет Муваххитке дужа берген. Бедиа оон автограф ап турда найыралдажып алганнар. 1923 чылда олар өгленип алганнар. 1922 чылда Бедия биле Ахметтиң өг-бүлезинде Шуайип Сина Арбел (1922—1991) деп оглу төрүттүнген. 1923 чылда Бедиа Эренкөйден үнгеш, актриса кылдыр ажылдап эгелээн. 1927 чылда ооң өөнүң ээзи чок болган.
1933 чылда Бедиа Фридрих Статцер-биле (1906—1974, азы өске ады Ферди Статцер) өгленип алган. ийи дугаар өг-бүле тутканы 18 чыл болган, 1951 чылда олар чарлы бергеннер. Чарылган соонда Бедиа баштайгы ашааның фамилиязын алган.
Бедиа Муваххит 1994 чылдың январь 20-де Стамбул университединиң чанында эмчиге чок болган Ашиян деп хөөрде хөөржүттүнген.
Бир дугаар 1917 чылда «Pençe» деп кинога киришкен.
1923 чылда Ахмет Муваххит-биле өгленген соонда оларның эжи режиссёр Мухсин Эртугрул Бедианы бодунуң «Огненная рубашка» деп кинозунга киржир кылдыр чалаан. База ол ышкаш Бедиа театрга база ойнап турган. Ниитизи-биле ол 50 хире чыл ойнап келген. 1975 чылда Бедиа актер карьеразын дооскан.
This article uses material from the Wikipedia Тыва article Муваххит, Бедиа, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.