Семен Коновалов: Советлар Берлеге Каһарманы
Семен Коновалов, Семен Василий улы Коновалов (чуаш.
Советлар Берлеге каһарманы (1943). 1956 елдан Казанда яшәгән. Казанның Исәпләү системалары җитештерү берләшмәсе ветераны.
| Семен Коновалов | |
|---|---|
 | |
| Туу датасы | 15 февраль 1920 |
| Туу урыны | ТАССР. Зөя кантоны, Ямбулат |
| Үлем датасы | 4 апрель 1989 (69 яшь) |
| Үлем урыны | Казан |
| Иялек |  РСФСР→ ССРБ |
| Гаскәр төре |  бронетанк гаскәрләре |
| Дәрәҗә |  подполковник |
| Җитәкчелек иткән | танк взводы |
| Бүләкләр һәм премияләр |    |
| Истигъфада | 1956 |
| [[commons:Category:  Semyon Konovalov Викиҗыентыкта|Семен Коновалов]] Викиҗыентыкта | |
Тәрҗемәи хәле
1920 елның 15 февралендә Казан губернасы Зөя өязе (май аеннан ТАССР Зөя кантоны, хәзерге Югары Ослан районы) Ямбулат авылында керәстиян гаиләсендә туган. Чуаш милләтеннән. Урта белем алгач, туган авылында хат ташучы булып эшләгән. 1939 елда Кызыл гаскәргә чакырылган. Расейняй бронетанк укуханәсен тәмамлагач (Литва, 1941), Бөек Ватан сугышына җибәрелгән. Көньяк-Көнбатыш фронтның 9нчы армиясе 15нче танк бригадасы взвод командиры лейтенант Коновалов 1942 елның 13 июлендә Ростов өлкәсе Тарасов районы Түбән Митякин хуторы янында батырлык күрсәтә. Взводтан бер танк кына (взвод командирыныкы) төзек кала. Бригададан артта калып, танкларын ремонтлап бетергәндә, дошманның ике разведчик танкы күренә. Берсен атып туктаталар, икенче танк борылып китә. Дошманның 35 танктан торган беренче агымы һөҗүм итә. Уңайлы позициядә булудан файдаланып, Коновалов каршы ут ачарга була. Дошман колоннасын 500 метрга китереп җиткереп, ут ачалар һәм сугышның беренче минутларында ук 4 танкны җимерәләр, калганнары кире борыла. Бераз вакыттан соң дошманның 50дән артык танкы һөҗүмгә күчә. Лейтенант Коновалов каршы торырга уйлый һәм дошманның тагын 12 танкын туктата. Бу сугышта аның экипажы дошманның 16 танкын, бер бронеавтомобилен, җәяүле гаскәр утырган 8 автомашинасын юк иткән. Совет танкы да дошман снаряды тиеп, яндырыла. Экипажның 3 сугышчысы һәлак була. Кул утсибәре белән коралланган Коновалов ике ярдәмчесе белән качып китә ала, бер атнадан дошман танкын кулга төшерә һәм әлеге танк белән совет гаскәрләре янына кайтып җитеп, «әсирлеккә» бирелеп, әсир танкта 3 ай сугыш хәрәкәтләрендә катнашуын дәвам итә . 1943 елның 31 мартында Советлар Берлеге каһарманы исеме бирелгән.
1946 елда запаска чыга, 1950 елда яңадан Совет Армиясенә чакырыла. 1952 елда Ленинградта бронетанк гаскәрләре өчен офицерлар әзерләүче югары мәктәпне тәмамлый.
1956 елдан подполковник Коновалов запаска, соңрак отставкага да чыга. Казанда танк укуханәсендә укыта, тимер юлда, Казанның Исәпләү системалары җитештерү берләшмәсендә 25 ел инженер булып эшли. 1989 елның 4 апрелендә вафат. Казанның Арча зиратында җирләнгән.
Бүләкләре, мактаулы исемнәре
Советлар Берлеге каһарманы (31.03.1943)- Ленин ордены (1943)
- 1нче дәрәҗә Ватан сугышы ордены (1985)
Хәтер
 Тышкы рәсемнәр | |
|---|---|
 | Сугыш вакытында төшкән фотолары. |
- Югары Осланда урамга исеме бирелгән.
- 2005 елда Казанның Совет районындагы 2нче Владимир урамы атамасы Коновалов урамы итеп үзгәртелә.
Чыганаклар
- Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0
Әдәбият
- Трокаев А.А. Подвиг на шахтерской земле. Донецк, 1983.
- Герои Советского Союза. Т. 1. М., 1987.
- Советлар Союзы Геройлары – безнең якташларыбыз. Казан, 1990.
- Батырлар китабы. Казан: ТКН, 2000. ISBN 5-298-01001-6
Сылтамалар
Искәрмәләр
This article uses material from the Wikipedia Tatarça / Татарча article Семен Коновалов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.