Kndsan rudan Truku sbiyaw ga ana manu euda o asi ka smtama musa qmita sisil han, yaasa hniyun dha miyah pgkla euda dha malu ni naqih ka kingal jiyax siida.
Kndsan rudan Truku sbiyaw ga ana manu euda o asi ka smtama musa qmita sisil han, yaasa hniyun dha miyah pgkla euda dha malu ni naqih ka kingal jiyax siida.
Mkleelug musa qmpahan musa daya siida ka rudan Truku o asi ka qmita sisil, mha malu bi nusa dha qmita wauwa o qmita sisil han, mkleelug siida, nasi miyah gmneetuq euda dha ka sisil ga kibnrinah dha miyah sapah saw kiya ka musa tmsamat uri. kiya ka kiya ni ini dai qmita sisil kkla matas,muda rmigaw danger qowlit o ini daani qmita sisil uri.
Kuxul ni uqun sisil ka hiyi qhuni o hiyi sangas ni bruling ni kliyut,manu kika rudan Truku sbiyaw o lala pnhuma dha qhuni sangas ni bruling ka llingay sapah dha, kiya do llingay sapah rudan Truku sbiyaw o lala bi qbhnimeuyas hiya. wana haya dmhagan rudan Truku ini lu csdamat lnglungan dha ana taxa bi mniq sapah.manu saw kiya rudan Truku sbiyaw ga seuda dha bi psluhay qmita sisil ka laqi snaw. qulung mlatat mkleelugka rudan Truku sbiyaw o smtama balay sisil kklaan dha saw euda.
Musa bbuyu musa rmigaw qlubung samat o uda qmita sisil han,maangal ni aji maangal samat ka rudan Truku sbiyaw o asi ka qmita sisil. Kndadax paah sapah ka rudan Truku sbiyaw o stghuy sisil mkleelug btaq qrunang.
Musa bbuyu siida smpusu narat ni smntuku iril ka sisil o mha malu bi nksa dha, duri ni smpusu narat ni smntuku iril ka sisil o kika maangal lala samat, nasi smpusu narat ni smntuku iril la sisil o mha malu euda su.musa su qmpah aji uri o musa bbuyu, nasi smpusu narat ni smtuku iril ka sisil o mha malu nksa su ni mtduwa su mquri brah musa. nasi smpusu iril ni smntuku narat ka sisil o malu ka kiya.
Mkleelug siida nasi smpusu iril ni smntuku narat ka sisil o asi brinah miyah sapah, nasi smpusu narat ni smtuku narat ka sisil o aji malu,asi brinah miyah sapah.nasi gmeetuq brah su mtbbrih skaya ka sisil o aji malu asi brinah miyah sapah.
Kiya ka kiya ni iya bi qhuri btunux pskeiyux quri smpusu narat ka sisil,ana su si haya o ida su aji maangal samat ki da.
Mha malu ka nusa dha qmita wauwa ka rudan Truku sbiyaw o asi ka musa qmita sisil han.
Yudaw Pisaw ni Iyang Taying,2010,口述資料。
Iyuq Ciyang,2014,整理 ==
This article uses material from the Wikipedia Taroko article Qbhuni sisil, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rahuq nan ii o niqan kingal duri pgkla, aji saw kiya do ruwan ruwahan patas dmuuy kana CC BY-SA 4.0 gaya mgay biyax kklawa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taroko (DUHOCTRUNGQUOC.VN) is an independent company and has no affiliation with Wiki Foundation.