Pepetela, ka Artur Carlos Maurício Pestana dos Santos, moris iha 1941 iha Bengela (Angola), i agora nia autór koñesidu ho naran Pepetela.
Nia sai tiha hakerek-na’in boot ida iha Angola no mós iha Luzofonia tomak nia laran.
Iha 1963 nia tama ba MPLA - Movimento Popular para a Libertação de Angola (ne’ebé luta ba ukun-rasik an Angola nian hasoru kolonializmu portugés) no nia mós hela beibeik iha Casa dos Estudantes do Império, iha Lizboa, iha 1960/1970.
Depois nia sei ko’alia kona-ba esperiénsia hirak-ne’e iha romanse hanesan Mayombe, As Aventuras de Ngunga ho A Geração da Utopia. Asuntu seluk tan ne’ebé mosu beibeik iha ninia knaar literáriu maka: harii identidade i Istória nia rain nian, susar oioin ne’ebé sira hetan bainhira sira-nia nasaun foin sai independente, problema hirak-ne’ebé mosu tanba funu sivíl ne’ebé haterus Angola durante tinan barak, no mós traisaun husi ukun-na’in balu ne’ebé soe tiha ideál ne’ebé sira defende uluk iha tempu funu nian no agora sai korruptu no buka de’it atu kaer metin ba sira-nia kadeira ukun nian.
This article uses material from the Wikipedia Tetun article Pepetela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Conteúdo disponibilizado nos termos da CC BY-SA 4.0, salvo indicação em contrário. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tetun (DUHOCTRUNGQUOC.VN) is an independent company and has no affiliation with Wiki Foundation.