Materia ida ne'e bele halo ita hotu koinhese oinsa moris ho ita hotu nia identidade rasik.Husi lorosa’e to’o loromonu, husi tasi feto to’o tasi mane, ita bele haré oin sa timoroan moris, oin sa hadulur malu, oin sa sira tau neon metin ba matebian sira.
Ita bele haninu mos oin sa sira moris tuir lisan hafolin, oin sa sira hana’i matebian, oin sa ema hotu iha knua laran, mesa maluk de’it, mesak na'an de’it.
Iha Rai Timor, hosi rai ida ba rai ida, ita bele rona ida-idak nia lia, ita bele haninu rai ida-idak nia liasan.
Iha Rai Timor ita bele rona lia barak, maibé sanulu resin lima maka hatán ema barak, hodi moris tuir lisan sel-seluk.
Timoroan, nu’u uai-uain, hatene ko’alia lia rua:
Ita bele hetan lia barak, lisan barak, maibé tuir lisan barlake, tuir ukur matebian timoroan hotu simu malu nu’u abut ida de’it, bein ida de’it …
Lisan barlake hametin uma kain ida ho knua seluk; matebian sira la tuur iha fatin seluk, maibé matebian hadulur ho maluk iha knua laran, tan ne’e ema ida la leet iha nia knua, ema ida la leet iha reinu seluk.
Timoroan hotu fiar iha lulik bein ida – maromak – ne’e be ita sei hana’i, sei hamulak hodi bele hetan di’ak, bele moris dame.
Iha knua laran sei harii Uma Lulik atu haloot sasán lulik no lima-rohan bein siran. Lulik na’in e dato lulik maka sei tau liman ba Uma Lulik hodi halo ukur tuir lisan atu kuda rai e sal rai. Sira de’it maka bele tama iha Uma Lulik.
Timoroan sira fiar katak amtebian sira la bá fatin seluk, maibé tuur hela iha foho lulik e fatin lulik.
Matebian ho ema hotu ne’e be sei moris, hadulur hela malu, tan ne’e timoroan fiar katak ida-idak moris tuir karik matebian nia rohan, nia moris sei la kotu. Tan ne’e molok há’e sei moris, ida-diak sei halo di’ak, sei tau liman atu ema seluk hetan rahun di’ak.
Timoroan fiar katak atu hetan rahun di’ak, sei moris tuir dalan maromak. Tan ne’e molok halo knar boot ruma, knua tomak sei hamutuk hasa’e ukur atu husu matebian sira nia tulun, atu hetan maromak nia kmanek. Maka nedeit obrigado.
This article uses material from the Wikipedia Tetun article Kultura timór, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Conteúdo disponibilizado nos termos da CC BY-SA 4.0, salvo indicação em contrário. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tetun (DUHOCTRUNGQUOC.VN) is an independent company and has no affiliation with Wiki Foundation.