ಮಣಿಪುರ

	ಉಂದೊಂಜಿ ಎಲ್ಯ ಲೇಕನೊ. ಈ ಲೇಕನೊನು ದುಂಬರಿಪೆರೆ ಸಹಾಯೊ ಮಲ್ಪುಲೆ.

ಮಣಿಪುರ ಈಶಾನ್ಯ ಭಾರತೊದ ಒಂಜಿ ರಾಜ್ಯೊ. ಉಂದೆತ ರಾಜಧಾನಿ ಇಂಫಾಲ್. ೨೧ನೇ ಜನವರಿ ೧೯೭೨ನೇ ಇಸವಿಡ್ ಈ ರಾಜ್ಯೊ ಉದಿತ್ ಬತ್ತ್ಂಡ್. ಮಣಿಪುರ ರಾಜ್ಯೊದ ಒಟ್ಟು ಇಸ್ತೀರ್ನ ೨೨,೩೨೭ ಕಿಲೋಮೀಟರ್^೨. ಇಸ್ತೀರ್ನೊದ ಲೆಕ್ಕೊಡು ೨೩ನೇ ಸ್ತಾನೊಡು(ಕೇಂದ್ರಾಡಳಿತ ಪ್ರದೇಶ ಬುಡ್ದು) ಈ ರಾಜ್ಯೊ ಉಂಡು. ಮಣಿಪುರತ್ತ ತೆಂಕಾಯಿಡ್ ನಾಗಾಲ್ಯಾಂಡ್, ಬಡಕಾಯಿಡ್ ಮಿಝೋರಾಮ್, ಪಡ್ಡಾಯಿಡ್ ಅಸ್ಸಾಂ ರಾಜ್ಯೊಲು ಉಲ್ಲ. ಅಂಚನೆ, ಮೂಡಾಯಿಡ್ ಮ್ಯಾನ್ಮಾರ್ ದೇಸೊದೊಟ್ಟುಗು ತನ್ನ ಗಡಿನ್ ಪಟ್ಟೊಂದುಂಡು.

ಮಣಿಪುರ ರಾಜ್ಯೊದ ಅಧೀಕೃತ ಬಾಸೆ ಮೈತಿ(ಮಣಿಪುರಿ) ಬಾಸೆ. ಮುಲ್ಪ ಎಚ್ಚ ಜನಕುಲು ಮೈತಿ ಜನಾಂಗೊಗು ಸೇರ್ದಿನಕುಲು. ಮೊಕುಲು ಮೈತಿ ಬಾಸೆನ್ ತನ್ಕುಲೆ ದಿನನಿತ್ಯೊದ ವ್ಯವಹಾರೊಡು ಗಲಸುವೆರ್. ಮಣಿಪುರ ರಾಜ್ಯೊಡು ಒಟ್ಟು ೧೬ ಜಿಲ್ಲೆಲು ಉಲ್ಲ. ಮಣಿಪುರ ರಾಜ್ಯೊಡು ೪ ಮುಖ್ಯವಾಯಿನ ತುದೆಕುಲು ಪರಪುವ. ಅವು: ಬರಾಕ್ ತುದೆ, ಮಣಿಪುರ ತುದೆ, ಯು ತುದೆ ಬುಕ್ಕ ಲನ್ಯೆ ತುದೆ. ಈ ರಾಜ್ಯೊದ ಒಟ್ಟು ಜನಸಂಖ್ಯೆ ೨೦೧೧ನೇ ಕಾನೇಸ್ಮಾರಿಡ್ ತೆರಿದ್ ಬತ್ತಿಲೆಕ 2,855,794 ಉಂಡು.