ಪುತ್ತೂರಾಯೊನೊ

ಉಂದು ಪುತ್ತೂರುದ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡು ನಡಪುನ ಮಾಮಲ್ಲ ಆಯೊನೊ (ಜಾತ್ರೆ).

ದೇವಸ್ಥಾನದ ಪಡ್ಡಾಯಿ ಮೈಕ್ ಇಪ್ಪುನ ಮಲ್ಲ ಕೆರೆಟ್ ದುಂಬುದ ಕಾಲೊಡು ಮುತ್ತು ತಿಕ್ಕಂಡ್ ಪನ್ಪರ್. ಅಂಚ ಮುತ್ತೂರು ಕಾಲ ಕರಿನಗ ಪುತ್ತೂರು ಆಂಡ್.

ದೇವಸ್ಥಾನದ ಅಂಗಣೊಗು ಆನೆ ಜಪ್ಪೆರೆ ಇಜ್ಜಿ. ದುಂಬುದ ಕಾಲೊಡು ಕೆರೆಕ್ ಬೂರುನ ದೇವೆರೆನ ಲಿಂಗೋನು ರಾಜೆ ಆನೆಡ ಒಯಿಪಾಯೆಗೆ. ಅಂಚಾದ್ ದೇವೆರೆಗ್ ಕೋಪ ಬತ್ತ್ ದ್, ಇನಿಕ್ಲಾ ಆನೆ ಅಂಗಣೊಗು ಬತ್ತ್ ನಂಡ ಸಾಯಿಪುಂಡು ಪನ್ಪಿನ ನಂಬೊಲಿಕೆ ಉಂಡು.

 

ಪ್ರತಿ ವರ್ಸೊದ ಈಪ್ರಿಲ್ ತಿಂಗೊಳುದ ೧೦ ತಾರೀಕ್ ದ್ದ್ ೧೭ ತಾರೀಕ್ ಮುಟ್ಟ ನಡಪುಂಡು. ಏಪ್ರಿಲ್ ೧ನೇ ತಾರೀಕ್ ದಾನಿ ಬಾರೆದ ಕೈಲ್ ಕಡ್ತ್ ದ್ ಆಯೊನೊ ಸುರು ಆಪುಂಡು. ಉಂದು ಹೆಚ್ಚಾದ್ ವ್ರುಷಭ ಲಗ್ನೊಡು ನಡಪುಂಡು.

ಎಪ್ರಿಲ್ ೧೦ ತಾರಿಕ್ ದಾನಿ ಧ್ವಜಾರೋಃಹಣ. ಆನಿ ಬಯ್ಯಗ್ ಉತ್ಸವ ಬಲಿ; ಬೊಳುವಾರ್, ಶ್ರಿರಾಮಪೇಟೆ, ಕಾರ್ಜಾಲು, ರಕ್ತೆಶ್ವರಿ ಡೆವಸ್ತ್ತಾನ, ಕಲ್ಲೇಗ, ಕರ್ಮಲೊಗು ದೇವೆರೆನ ಸವಾರಿ ಪೊಪುಂಡು.  ಏಪ್ರಿಲ್ ೧೧ ನೇ ತಾರೀಕ್ ದಾನಿ ನೆಲ್ಲಿಕಟ್ಟೆ, ಸಾಲ್ಮರ, ಸೂತ್ರಬೆಟ್ತುಗು ದೇವೆರೆನ ಸವಾರಿ ಪೋಪುಂಡು.  ಏಪ್ರಿಲ್ ೧೨ ನೇ ತಾರೀಕ್ ದಾನಿ ಶಿವಪೇಟೆ, ತೆಂಕಿಲ, ಕೊಟ್ಟಬೆಟ್ತು, ಎಳ್ನಾಡು ಗುತ್ತು, ಬೈಪಾಸ್ ಹೆದ್ದಾರಿ, ರಾಧಾಕ್ರುನ ಮದಿರೊಗು ದೇವೆರೆನ ಸವಾರಿ ಪೋಪುಂಡು.  ಏಪ್ರಿಲ್ ೧೩ ನೇ ತಾರೀಕ್ ದಾನಿ ಪೇಟೆ ಸವಾರಿ, ಕೋರ್ಟು ರಸ್ಟೆ,  ಸೈನಿಕಭವನ ರಸ್ತೆ, ಬಪ್ಪಳಿಗೆ, ಬೊಳ್ವರ್ಬೈಲ್ ಗ್ ದೇವೆರೆನ ಸವಾರಿ ಪೋಪುಂಡು.  ಏಪ್ರಿಲ್ ೧೪ ನೇ ತಾರೀಕ್ ದಾನಿ ಕೊಂಬೆಟ್ತು, ಬೊಳುವಾರು, ಹಾರಾಡಿ, ತಾಳಿಪಾಡಿ, ದ್ರಾವಿಡ ಬ್ರಾಹ್ಮಣ ಹಾಸ್ತೆಲ್ಲ್ , ಸಕ್ಕರೆಕಟ್ಟೆಗ್ ದೇವೆರೆನ ಸವಾರಿ ಪೋಪುಂಡು. ಏಪ್ರಿಲ್ ೧೧ ನೇ ತಾರೀಕ್ ದಾನಿ ನೆಲ್ಲಿಕಟ್ಟೆ, ಸಾಲ್ಮರ, ಸೂತ್ರಬೆಟ್ತುಗು ದೇವೆರೆನ ಸವಾರಿ ಪೋಪುಂಡು.  ಏಪ್ರಿಲ್ ೧೫ ನೇ ತಾರೀಕ್ ದಾನಿ ಬನ್ನೊರು, ರೈಲ್ವೆ ಮರ್ಗೊದಂಚಿಗ್ ದೇವೆರೆನ ಸವಾರಿ ಪೋಪುಂಡು. ಆನಿ ದೇವಸ್ಟಾನೊಡು ಚಂದ್ರಮಂಡಲ ಉತ್ಸವಲಾ ನಡಪುಂಡು.  ಏಪ್ರಿಲ್ ೧೬ ನೇ ತಾರೀಕ್ ದಾನಿ ದೇವಸ್ಟಾನೊಡು ತುಲಾಭಾರ ಸೇವೆ, ಬಲ್ಣಾಡು ಶ್ರೀ  ದಂಡನಾಯಕ  ಉಳಾಲ್ತಿ ದೈವಗಳ ಕಿರುವೊಳು ಉತ್ಸವ. ಪಲ್ಲಕ್ಕಿ ಉತ್ಸವ, ಕೆರೆ ಉತ್ಸವ, ಸಣ್ಣರಥೊಸ್ತವ, ತೆಪ್ಪೊತ್ಸವ. ಏಪ್ರಿಲ್ ೧೭ ನೇ ತಾರೀಕ್ ದಾನಿ ವಸಂತ ಕಟ್ತೆ ಪೂಜೆ, ದರ್ಶನ ಬಲಿ, ರಾತ್ರಿ ಬ್ರಹ್ಮ ರಥೋತ್ಸವ, ಪುತ್ತೂರ್ದ ಬೆಡಿ, ಬಂಗಾರ್ ಕಯರ್ಕಟ್ತೆ ಸವಾರಿ,   ದಂಡನಾಯಕ  ಉಳಾಲ್ತಿ ದೈವಗಳ ಬೀಳ್ಕೊಡುಗೆ, ಶಯನ, ಬೂತಬಲಿ.  ಏಪ್ರಿಲ್ ೧೮ ನೇ ತಾರೀಕ್ ದಾನಿ ಗುಂಡೊದ ಬಾಕಿಲ್ ದೆಪ್ಪುನ ಮುಹೂರ್ತ. ವೀರಮಂಗಲ ಅವಭ್ರುತ ಸ್ನಾನಕ್ಕೆ ಸವಾರಿ. ಏಪ್ರಿಲ್ ೧೯ ನೇ ತಾರೀಕ್ ದಾನಿ ಧ್ವಜಾ ಅವರೋಹಣ. ರಾತ್ರಿ ಪಿಲಿಬೂತ, ರಕ್ತೆಶ್ವರಿ ನೇಮ.  ಏಪ್ರಿಲ್ ೨೦ ನೇ ತಾರೀಕ್ ದಾನಿ ಸಂಪ್ರೊಕ್ಶಣೆ, ಬಾಕಿ ದೈವಗಳಿಗೆ ನೇಮ.  

ಆಯೊನ ಕಾಲೊಡು ಬ್ರಹ್ಮ ರಥೋತ್ಸವ ಸೇವೆ, ಸಣ್ಣ ರಥೋತ್ಸವ ಸೇವೆ, ಪುಷ್ಪ ಕನ್ನಡಿ ಸೇವೆ, ವಿಶೇಷ ಪಲ್ಲಕ್ಕಿ ಸೇವೆ ನಡಪುಂಡು.

 

ಉಳ್ಳಾಲ್ತಿ ಒಲಸರಿ ಪಂಡ ಉಳ್ಳಾಲ್ತಿ ನ ಭಂಡಾರ ಬರ್ಪುನೆ. ಆನಿದ ದಿನೊತಾನಿ ಅಲ್ಪ ಮಲ್ಲಿಗೆ ಪೂತ ರಾಶಿಯೇ ಪರಕೆದ ರೂಪೊಡು ಬೂರುಂಡು.

ಪುತ್ತೂರ್ದ ಬೆಡಿ ಬಾರೀ ಪುದರ್ ಪೋಯಿನ. ಬ್ರಹ್ಮ ರಥೋತ್ಸವದ ದಿನ ಬಾರೀ ಬೆಡಿ ಮರ್ದ್, ಪುಡಪುವೆರ್. ಅಯಿನ್ ತೂಯೆರೆ ಲಕ್ಸೊದ ಸಂಕೆಲೆಡ್ ಜನೊ ಸೇರುವೆರ್. ಬಾರೀ ಮಲ್ಲ ,ಬೊಕ್ಕ ರಂಗ್-ರ್ಂಗ್ದ ದ ಪಟಾಕಿಲೆನ್ ಅಕ್ಕೊಸೊಗು ಪಾರವೆರ್. ಬೂಮಿ ಅದುರುನಲೆಕ ಬಾರಿ ಶಬ್ದ ಆಪುಂಡು. ಆಯೊನ ಕಾಲೊಡು ಬ್ರಹ್ಮ ರಥೋತ್ಸವ ಸೇವೆ, ಸಣ್ಣ ರಥೋತ್ಸವ ಸೇವೆ, ಪುಷ್ಪ ಕನ್ನಡಿ ಸೇವೆ, ವಿಶೇಷ ಪಲ್ಲಕ್ಕಿ ಸೇವೆ ನಡಪುಂಡು.

ದೇವಸ್ತಾನದ ಬರಿಟೆ ದೇವೆರೆ ಕಂಬುಲ ಉಂಡು. ಅಲ್ಪ ವರ್ಸೊಲಾ ಕಂಬುಲಲಾ ನಡಪುಂಡು. ಉಂದೆಕ್ಲಾ ಬಾರೀ ಪುದರ್ ಉಂಡು.

ಪುತ್ತೂರ್ದ ಜಾತ್ರೆಡ್ ಸಂತೆಗ್ಲಾ ಬಾರೀ ಪುದರ್ ಉಂಡು. ಸಂತೆಡ್ ಬಾರೀ ಬೆರಾಲಾ ಆಪುಂಡು.